ۇلتتىق بانك كۇنى كەشە تانىستىرعان جاڭا بانكنوتتاعى سۋرەتتەردى جۇرت ۇرلانعان دەپ شۋلاسۋدا. دانيار اقىشيەۆتىڭ قاعاز اقشادان كوگەرشىن دەپ كورسەتكەنى شۆەيساريالىق فوتوگرافتىڭ شاعالاسى بولىپ شىققان. جۇرت بۇل نىساننىڭ قازاقستان ءۇشىن تاريحي قۇنى جوق دەپ وتىر. ال، اقشانى مارقايا تانىستىرعان باس بانكتەگىلەر ايتىلعان سىندى «ابسۋردقا» بالادى دەپ حابارلايدى Qamshy.kz اقپارات اگەنتتىگى كتك ارناسىنا سىلتەمە جاساي وتىرىپ.

- «بۇل «ابسۋرد» تۋرالى ەشتەڭە دەي المايمىن. وعان قاتىستى ەرتەڭ تۇسىنىكتەمە بەرەمىز. شاعالانى سول كەزدە تالقىلارسىزدار. مەنىڭ ويىمشا، اقشاداعى قۇستار سۇيكىمدى شىققان. 

باس بانك «ارتىق قىلامىن دەپ تىرتىق قىلسا» دا، جاڭا اقشانى بار كۇيىنگە قابىلداۋدان باسقا امال جوق سىڭايلى. ويتكەنى، بۇل بانكنوت قولدانىسقا ەندى شىققانىمەن، ونى باسىپ شىعارۋ جۇمىستارى 2 جىل بۇرىن باستالعان. ياعني، بانكنوت شىعارۋ بىر-ەكى كۇندىك شارۋا ەمەس»، - دەيدى ۇلتتىق بانكتىڭ باسقارما باسشىسى الەكساندر تەرەنتيەۆ.

- كوشىرمە ەكەنى انىق كورىنىپ تۇر. شۆەيساريالىق فوتوگرافتىڭ سۋرەتىن پايدالانۋ ارقىلى، اۆتورلىق قۇقىقتى بۇزىپ وتىر. تەك بىرەۋ ەمەس، 500 تەڭگەدەگى تاعى 3 قۇس تا وزگەدەن ۇرلانعان. ونى عالامتوردان الىپ قويا سالعانى ساپاسىنان-اق بايقالادى،- دەيدى استانا قالاسىنىڭ تۇرعىنى كيريلل كوۆيازين.

وسى كەزگە دەيىن قولدانىلىپ كەلگەن ەسكى اقشالار 2020 جىلدىڭ ماۋسىمىنا دەيىن اينالىمدا بولادى. ودان كەيىن تەك شۆەيساريالىق فوتوگرافتىڭ شاعالاسى بار 500 تەڭگەلىك قانا ۇستەمدىك قۇرماق.