وبلىس اكىمى ەرالى توعجانوۆ ايماقتىڭ اكتيۆىنە قالانىڭ جاڭا باسشىسىن تانىستىردى، دەپ جازادى Qamshy.kz اقپارات اگەنتتىگى.

اقتاۋدىڭ اكىمى بولىپ عالىمجان نيازوۆ تاعايىندالدى. ول وسىعان دەيىن ماڭعىستاۋ وبلىسى اكىمىنىڭ تۇرعىن ۇي-كوممۋنالدىق شارۋاشىلىق، قۇرىلىس جانە يننوۆاسيا ماسەلەلەرى بويىنشا كەڭەسشىسى قىزمەتىن اتقاردى.

عالىمجان نيازوۆ مۇقىر ۇلى ماڭعىستاۋ وبلىسى، شەتپە سەلوسىندا 1973 جىلى 14 ساۋىردە دۇنيەگە كەلگەن.

 2000 جىلى قانىش ساتپايەۆ اتىنداعى قازاق ۇلتتىق پوليتەحنيكالىق ۋنيۆەرسيتەتىن، 2008 جىلى شاحماردان ەسەنوۆ اتىنداعى كاسپيي مەملەكەتتىك جانە ينجينيرينگ ۋنيۆەرسيتەتىن ءتامامداعان.

ول ەڭبەك جولىن 1990 جىلى شيەۆچەنكو قالاسىندا سلەسار، كاسىپورىننىڭ جۇرگىزۋشىسى بولىپ باستاعان.

2013-2014 جىلدارى ارالىعىندا قىزىلوردا وبلىسى قۇرىلىس باسقارماسىنىڭ  ءبولىم باسشىسى، باسقارما باسشىسىنىڭ ورىنباسارى بولدى.

2014 جىلدان 2016 جىلعا دەيىن قىزىلوردا وبلىسى مەملەكەتتىك ساتىپ الۋ باسقارماسىنىڭ باسشىسى بولدى.

2016 جىلدان 2017 جىلعا دەيىن استانا قالاسىندا «سك-فارماسيا» جشس-دە ءبولىم باسشىسى، باسقارۋشى ديرەكتور، دەپارتامەنت ديرەكتورى بولىپ قىزمەت ەتتى.

2017 جىلى ناۋرىز ايىنان باستاپ ماڭعىستاۋ وبلىسى اكىمىنىڭ تۇرعىن ۇي-كوممۋنالدىق شارۋاشىلىق، قۇرىلىس جانە يننوۆاسيا ماسەلەلەرى بويىنشا كەڭەسشىسى قىزمەتىن اتقارادى.