تۇركيانىڭ مەملەكەتتىك TRT Avaz تەلەارناسىنداعى Eko Avaz باعدارلاماسىنىڭ پروديۋسەرى، Guru Medya ح.ە باسپا توبىنىڭ باسشىسى رەسەيدىڭ بۇرىنعى تۇركياداعى ەلشىسى اندرەي كارلوۆتىڭ ولىمىنە قاتىسى بار دەگەن كۇدىكپەن ۇستالدى دەپ حابارلايدى Qamshy.kz اقپارات اگەنتتىگى Sabah گازەتىنە سىلتەمە جاساپ.
ح.ە انكارا سوتىنا جەتكىزىلگەن. پروكۋرور ادەم اكىندجي ودان جاۋاپ الدى. سوت كۇدىكتىنى قاماۋعا الۋ تۋرالى شەشىم شىعاردى. وعان «ەلشىنىڭ ءولىمىن ۇيىمداستىردى» دەگەن ايىپ تاعىلعان.
بۇعان دەيىن تۇركيادا توڭكەرىس جاساماق بولعان دەپ ايىپتالعان فەتحۋللاح گۇلەنگە قاتىستى ىستانبۇلدا جۇرگىزىلگەن تەرگەۋ جۇمىستارى كەزىندە ودان بىرنەشە مارتە جاۋاپ العان.
ايتا كەتەيىك، 2016 جىل 19-شى جەلتوقساندا انكاراداعى فوتو كورمەنىڭ اشىلۋىندا رەسەيدىڭ تۇركياداعى ەلشىسىن اتىپ ءولتىردى. شابۋىلدى ميەۆليۋت التىنتاش ەسىمدى پوليسيا قىزمەتكەرى جاسادى.
