بەلتا اقپارات اگەنتتىگىنىڭ حابارلاۋىنشا، جەرورتا تەڭىزىن ءجۇزىپ وتپەك بولعان بوسقىندار اكۋلا شابۋىلىنا ۇشىراعان. ناتيجەسىندە  31 ادام مەرت بولعان، تاعى 40-تان استامى ءىز-تۇزسىز جوعالعان، دەپ حابارلايدى Qamshy.kz اقپارات اگەنتتىگى.

سومالي، نيگەريا، گانا جانە ەفيوپيادان 200-گە جۋىق ادام ەكى رەزەڭكە قايىقپەن ساپارعا شىققان. 

سۋدا قايىقتاردىڭ ءبىرى زاقىمدانىپ، سۋعا باتا باستايدى. سول كەزدە ولارعا تۇتقيىلدان اكۋلالار شابۋىلدايدى.

وقيعا ورنىنا كەلگەن ليۆيا جاعالاۋ كۇزەتى ونداعان ادامنىڭ دەنەسىن جانە ولاردىڭ قاسىندا ەرسىلى-قارسىلى ءجۇزىپ جۇرگەن اكۋلالاردى كورەدى. قۇتقارۋشىلار بەس ساعات بويى قايىق اپاتقا ۇشىراعان اۋماقتا ىزدەستىرۋ جۇمىستارىن جۇرگىزدى، الايدا ءىز-تۇزسىز جوعالعان ونداعان بوسقىندى تابۋدىڭ مۇمكىندىگى بولمادى.

قۇتقارىلعانداردىڭ باسىم كوپشىلىگى ەكىنشى قايىقتىڭ جولاۋشىلارى بولدى. ولار ليۆيا استاناسى تريپوليگە جەتكىزىلدى.