ميانما ليدەرى اۋن سان سۋ چجي روحيندجا حالقىنىڭ باسىنان وتكەرىپ جاتقان جاعدايعا بەيجاي قاراعانى  ءۇشىن  وكسفورد قالاسىنىڭ قۇرمەتتى ازاماتى اتاعىنان ايىرىلدى. بۇل جايىندا Independent باسىلىمى حابارلايدى.

روحيندجا مۇسىلماندارى تۇراتىن ميانمانىڭ باتىسىنداعى راكحاين شتاتىندا اعىمداعى جىلدىڭ 25ء-شى تامىزىندا جاعداي كۇرت ناشارلادى. سودىرلار شابۋىلىنان جۇزدەگەن ادام كوز جۇمدى. ميانما اسكەرىنىڭ قۋدالاۋىمەن 600-گە جۋىق روحيندجاعا بانگلادەشكە باس ساۋعالاۋعا تۋرا كەلدى. ميانما رەسپۋبليكاسىندا مۇسىلمان روحيندجالارعا قارسى گەنوسيد بولدى.

باسىلىمنىڭ مالىمەتىنە سۇيەنسەك، وكسفورد قالاسىنىڭ كەڭەسشىلەرى زورلىق-زومبىلىققا كوز جۇما قارايتىن ادامعا قالانىڭ قۇرمەتتى ازاماتى دەگەن اتاقتى لايىق كورمەيتىندەرىن مالىمدەگەن.

وكسفورد قالاسىنىڭ اكىمى مەري كلارسون ءوز سوزىندە «بۇگىن ءبىز روحيندجا مۇسىلماندارىن ازاپتاۋعا كوز جۇما قاراعانى ءۇشىن اۋن سان سۋ ءچجيدى قالامىزدىڭ قۇرمەتتى ازاماتى اتاعىنان ايىرىپ وتىرمىز» دەپ مالىمدەدى.

جانە اتالمىش شەشىم قالا اكىمى كەڭەسشىلەرىنىڭ العاشقى وتىرىسىندا قابىلدانعان.

ايتا كەتسەك، اۋن سان سۋ چجي – وكسفورد ۋنيۆەرسيتەتىنىڭ تۇلەگى، 1997 جىلى دەموكراتيا جولىندا كۇرەسكەنى ءۇشىن وكسفورد قالاسىنىڭ قۇرمەتتى ازاماتى اتاعىن العان.