دەمي-لي نەل پيتەرس - بيىلعى لاس-ۆەگاستا 66-شى رەت وتكەن حالىقارالىق سۇلۋلىق بايقاۋىنىڭ جەڭىمپازى. وڭتۇستىك افريكا رەسپۋبليكاسىنىڭ تۇرعىنىن "الەمدىك سۇلۋلىق" سايىسىن ۇيىمداستىرۋشىلارى وزدەرىنىڭ Twitter پاراقشاسىندا ىستىق ىقىلاسپەن الەم ارۋلارىنىڭ قاتارىنا قوسىلۋىمەن قۇتتىقتاپ، جازبا قالدىردى.
Let’s welcome #MissUniverse 2017 Demi-Leigh Nel-Peters from South Africa to the sisterhood! ؟ pic.twitter.com/Sw0SDQZjOJ
— Miss Universe (@MissUniverse) November 27، 2017
وعان قوسا، 2017 جىلدىڭ الەم سۇلۋلارىنىڭ ۇشتىگىنە يامايكالىق داۆينا بەننەت جانە كولۋمبيالىق لاۋرا گونسالەس ەندى. ال ءبىزدىڭ ەلدى "الماتى ارۋى 2016" بايقاۋىنىڭ جەڭىمپازى، 19 جاستاعى كاميلا اسيلوۆا تانىستىردى. "الەم ارۋى" اتانۋ ءۇشىن جەر شارىنىڭ تۇكپىر-تۇكپىرىنەن كەلگەن 92 سۇلۋ ب ا ق سىنادى.
قازاقستاندى الەمگە تانىستىرعان سۇلۋ كاميلا اسيلوۆا
22 جاستاعى وڭتۇستىك افريكالىق سۇلۋ بايقاۋدا ايەلدەردىڭ ءوزىن-وزى قورعاۋ ماسەلەسىن كوتەرىپ، قازىلار القاسىن اق جۇرەگىمەن، جاناشىرلىعىمەن ايەلدەر ماسەلەسىن قانشالىقتى بىلەتىندىگىمەن تاڭ قالدىردى.
سونىمەن قاتار، دەمي-لي جالت-جۇلت ەتكەن ءتاج كيىپ، رياسىز كۇلكىسىن پاش ەتكەن بىرنەشە سەكۋند ىشىندە جانكۇيەرلەردىڭ "الەم ارۋى" جايىندا، ونىڭ قالاي بۇل اتاققا يە بولعاندىعىنا اسا قاتتى قىزىعۋشىلىق تانىتا باستاعانى حاق.
The next #MissUniverse is... SOUTH AFRICA! pic.twitter.com/GxlFcdJnV5
— Miss Universe (@MissUniverse) November 27، 2017
"سۇلۋلىق الەمدى قۇتقارادى" دەمەكشى، Qamshy.kz اقپارات اگەنتتىگى "الەم ارۋى جونىندە" ءسىز ءبىلۋ كەرەك بەس نارسەنى نازارىڭىزعا ۇسىنادى!
- دەمي-لي نەل-پيتەرس "الەم ارۋى" تاريحىندا 1978 جىلدان بەرى وڭتۇستىك افريكادان قاتىسىپ، جەڭىمپاز اتانعان ەكىنشى ارۋ. ول مارگارەت گاردينەر ەسىمدى ايەلدەن كەيىنگى ەكىنشى وڭتۇستىك افريكا ماقتانىشى. دەمي-لي افريكا كونتينگەنتىنە جارقىراعان ءتاج بەن زور ماقتانىشتى الىپ كەلدى.
- دەمي-ليدىڭ بايقاۋدا ايەلدەردىڭ ءوزىن-وزى قورعاۋ ماسەلەسىن كوتەرۋى جەكە باسىنان وتكەن وقيعاعا بايلانىستى تۋىنداعان. ول «وڭتۇستىك افريكا» ارۋى اتاعىن جەڭىپ العاننان كەيىن ءبىر اي وتكەن سوڭ ۇرلانعان جانە وعان قارۋ كەزەلگەن. بۇل جاعداي ول ءۇشىن ومىرلىك تاجىريبە بولدى. ونىڭ باستاماسى- ايەلدەرگە ءوزىن-وزى قورعاۋدى جانە كەرەكتى داعدىلارمەن قامتاماسىز ەتىپ، جوعارىدا اتالعان وقيعاعا ۇقساس جاعدايدى بولدىرماۋ ءۇشىن ىسكە استى.
- ءوزىنىڭ وتە از دا بولسا بوس ۋاقىتىندا دەمي-لي گولف ويناعاندى ۇناتادى. Instagram-دا سپورت زالىنان ءتۇرلى جاتتىعۋلار جاساۋ ءساتىن جاريالاپ تۇرعانمەن، سۇلۋ بيكەش بويدى تىنىشتاندىراتىن كوك شوپتە گولف ويناعاندى بارىنەن دە قاتتى جاقسى كورەدى ەكەن.
- ول جاقىندا عانا جوو -ن ءتامامداعان: نەل-پەتەرس وڭتۇستىك-افريكاداعى سولتۇستىك-باتىس ۋنيۆەرسيتەتىنەن كاسىپكەرلىك ماماندىعىن مەڭگەرگەن.
5. دەمي-ليدىڭ ەڭ باستى ىنتالاندىرۋشىسى ونىڭ 10 جاستاعى ءسىڭلىسى فرانجە: "مەنىڭ ءسىڭلىم دۇنيەگە جارىمجان بولىپ كەلدى جانە ونىڭ مۇمكىندىگى تولىعىمەن شەكتەۋلى. ول مەنىڭ ومىرىمدەگى ەڭ ۇلكەن ىنتا-جىگەر مەن شابىت بەرۋشى، ول ارقىلى مەن ءومىردىڭ قانشالىقتى ەرەكشە ەكەنىن تۇسىنەمىن جانە ول ءۇشىن ءاردايىم ەكى ەسە اۋىر جۇمىس ىستەگىم كەلەدى"، دەيدى دەمي-لي.
پىكىر قالدىرۋ