«مەديا وردا» قوعامدىق قورى مەن «ايتىس اقىندارى مەن جىرشى-تەرمەشىلەر وداعىنىڭ» ۇيىمداستىرۋىمەن  2017 جىلدىڭ 4 جەلتوقسان كۇنى ساعات 14:00-دە «قازاقكونسەرت» زالىندا وتەتىن «اشىق بيۋدجەت – اشىق قوعام» اتتى رەسپۋبليكالىق جاس اقىندار ايتىسى كەيىنگە (ۋاقىتى بەلگىسىز) شەگەرىلدى، دەپ حابارلايدى Qamshy.kz اقپارات اگەنتتىگى.

الدىن-الا كەلىسكەن «الاتاۋ» ءداستۇرلى ونەر تەاترىنىڭ باسشىلارى دا، «قازاقكونسەرت» زالى باسشىلارى دا العاشقىدا ايتىستى وتكىزۋگە قولداۋ ءبىلدىرىپ، كەلىسىمشارتقا وتىرىپ، زالدىڭ جالعا بەرۋ قارجىسىن الىپ، سوڭىنان، قولداۋ بىلدىرە المايتىندارىن جەتكىزدى. كەلىسىمشارتتى ءۇزىپ، سەبەپ سالدارىن ءتۇسىندىرىپ، قارجىنى قايتارعان.

تەxنيكالىق اقاۋلاردى العا تارتىپ، ايتىستى وتكىزۋگە ەشقانداي مۇمكىندىك جوق ەكەنىن تۇسىندىرگەن «الاتاۋ» ءداستۇرلى ونەر تەاتر باسشىلارى باسقا شارالاردى ويداعىداي وتكىزىپ جاتىر. ال، «قازاقكونسەرت» ۇجىمى مينيسترلىكتىڭ ءىس-شاراسى وتەتىنىن العا تارتىپ، كەلىسىمشارتتى بۇزدى. 

«تەاتر باسشىلارىنىڭ ايتىسقا دەگەن قۇرمەتىنىڭ بولماعاندىعىنان ءداستۇرلى ونەر وگەي بالانىڭ كۇيىن كەشىپ جۇرگەندەي اسەردە قالدىق. حالىق ايتىستى سۇيگەن، سوندىقتان ايتىستىڭ جولىنا ەشكىم بوگەت بولا المايدى.

ەلباسى نۇرسۇلتان نازاربايەۆ دامىعان وتىز ەلدىڭ قاتارىنان كورىنۋدى نىقتاپ تاپسىرعانى ەسىمىزدە. اشىق، ءادىل قوعاممەن الىسقا جەتۋدى مۇرات ەتكەن مەملەكەت باسشىسىنىڭ كورەگەن جوسپارىن قازاقستان حالقى ابىرويمەن ورىنداپ شىعۋدىڭ جولىندا. تەك، كەيبىر باسشىلار مۇنى تەرىس ءتۇسىنىپ، وعان بارىنشا كەدەرگى بولۋدا.

جاس ايتىسكەرلەردىڭ ەل وركەندەۋىنە ءوز ۇلەسىن قوسىپ، ءازىل-قالجىڭى ارالاس، تۋرا سوزىمەن، شىنشىل يمپروۆيزاسياسىمەن xالىق سۇيگەن ادەمى ايتىستى الداعى كۇندەر ەنشىسىندە وتكىزەتىنىن xابارلايمىز»، - دەيدى ايتىستى ۇيىمداستىرۋشى  «مەديا وردا» قوعامدىق قورى مەن «ايتىس اقىندارى مەن جىرشى-تەرمەشىلەر وداعىنىڭ» ۇجىمى.

 اقىندار ايتىسىنىڭ ماقساتى: 

ەلباسى نۇرسۇلتان نازاربايەۆتىڭ الەمنىڭ وزىق وتىز ەلىنىڭ قاتارىنان كورىنۋگە بەرگەن تاپسىرمالارىن ناسيحاتتاۋ؛

حالىققا ادال قىزمەت ەتۋ، تۋرا جولدى دارىپتەۋ؛  

ايتىس ونەرىنە قولداۋ كورسەتۋ؛ 

«رۋحاني جاڭعىرۋ» باعدارلاماسىنىڭ ماڭىزدىلىعىن پاش ەتۋ؛  

ەلدىڭ دامۋىن، حالىقتىڭ ءال-اۋقاتىنىڭ ارتقانىن، ءسوز بوستاندىعىن، ەركىن ويلى ازاماتتارعا ارنالعان قوعامنىڭ قالىپتاسۋى توڭىرەگىندە ويلارمەن ءبولىسۋ؛