بۇگىن الماتىدا وتكەن قالالىق VI ءماسليحاتتا رەسپۋبليكالىق ونوماستيكالىق كوميسسيانىڭ شەشىمىمەن قالاداعى فۋرمانوۆ كوشەسىنىڭ اتى تۇڭعىش پرەزيدەنت، نۇرسۇلتان ءابىش ۇلى نازاربايەۆتىڭ اتىنا وزگەرتىلدى، دەپ جازادى Qamshy.kz اقپارات اگەنتتىگى. بۇل ۇسىنىستى قالا تۇرعىندارى كوپتەن بەرى ايتىپ جۇرگەن بولاتىن.
وتىرىس بارىسىندا الماتى اكىمى باۋىرجان بايبەك ونوماستيكالىق كوميسسيانىڭ شەشىمى 112 كوشە اتىن وزگەرتۋ تۋرالى قالا ينتەللەگەنسيالارىنىڭ، عىلىمي وندىرىستىك بىرلەستىكتەر، تۇرعىندار، اسىرەسە جاستار تاراپىنان جاسالعان ۇسىنىس بويىنشا، الماتىداعى ەڭ ءىرى كوشەلەردىڭ ءبىرى فۋرمانوۆقا ەلباسى اتى بەرىلدى.
"وسى جىلى ءبىز استانانىڭ 20 جىلدىعىن تويلايمىز. قاراپ وتىرساق، بۇگىندە ەلباسىنىڭ شەشىمى قانشالىقتى دۇرىس بولعاندىعىنا كوز جەتكىزەمىز. تەك ەۋرازيا جۇرەگىندە ورنالاسقان زاماناۋي قالا تۇرعىزىپ قانا قويماي، الماتىنىڭ دا دامىپ، زور ىسكەرلىك ورتالىققا اينالدىرۋعا ءوز ۇلەسىن قوستى. سوندىقتان، بۇگىندە الماتى ەڭ ءىرى ورتالىق ازيالىق مەگاپوليس"، دەدى بايبەك.
