ءبىرىنشى جەلتوقساننان باستاپ قىسقى دوڭگەلەگى سالىنباعان كولىكپەن جۇرۋگە تىيىم سالىنادى، دەپ جازادى Qamshy.kz اقپارات اگەنتتىگى. بۇل تۋرالى قازاقستان ءىىم اكىمشىلىك پوليسيا كوميتەتى حابارلادى.
قىسقى ۋاقىتتا، ءبىرىنشى جەلتوقساننان باستاپ اقپاننىڭ سوڭىنا دەيىن، "م+S"، "M&S"، "M S" بەلگىلەرى بار، تاۋ جانە قار بەلگىسى بەينەلەنگەن قىسقى دوڭگەلەكتەر سالىنباعان كولىكپەن جۇرۋگە تىيىم سالىنادى.
دوڭگەلەگىن ۋاقىتىلى ايىرباستاماعان جۇرگىزۋشىلەرگە زاڭ جۇزىندە 5 اەك، ياعني 11 345 تەڭگە ايىپپۇل سالىنادى.
ايىپپۇلدان بولەك، كولىك يەسى مەملەكەتتىك نومىرىنەن دە ايىرىلىپ قالۋى مۇمكىن.
ال «شيپى» بەلگىسىن قويۋ اركىمنىڭ ءوز ەركىندە. قازاندا قازاقستاننىڭ جول ءجۇرۋ ەرەجەلەرىنە ءتيىستى وزگەرتۋلەر ەنگىزىلگەن.
ايتا كەتەتىن بولساق، ءبىرىنشى ماۋسىمنان باستاپ بارلىق كولىكتەر دوڭگەلەكتەرىن جازعى دوڭگەلەككە ايىرباستاۋى ءتيىس. ماۋسىمارالىق كەزەڭدە اۆتوكولىك يەسىنە قولايلى، اۋا رايى جاعدايىنا ساي كەلەتىن دوڭگەلەككە رۇقسات بەرىلەدى.
