الماتى وبلىسى ۇزىناعاش سەلوسىنىڭ ماڭىندا جولاۋشىلار اۆتوبۋسى اۋدارىلىپ، سونىڭ سالدارىنان ەكى ادام قايتىس بولعان، دەپ جازادى Qamshy.kz اقپارات اگەنتتىگى.
«جول اپاتى تاڭعى ساعات 8:00-دە الماتى-بىشكەك جولىنىڭ 62-شاقىرىمىندا بولدى. تۇسكەن اقپاراتقا سايكەس، ەكى ادام قازا تاپقان. ال ۇزىناعاش سەلوسىنىڭ اۋرۋحاناسىنا ءتۇرلى جاراقاتتارمەن 10 ادام جەتكىزىلدى، اراسىندا كامەلەت جاسقا تولماعان بالا دا بار. وقيعا ورنىندا پوليسەي قىزمەتكەرلەرى جۇمىس ىستەۋدە»، - دەپ حابارلادى الماتى وبلىسى ءىىد باسپا ءسوز قىزمەتى.
ۆەدومستۆونىڭ مالىمەتىنشە، اۆتوبۋس سالونىندا 43 ادام بولعان. اۆتوبۋس شىمكەنتتەن الماتىعا قاراي شىققان. 41 جاستاعى جۇرگىزۋشى رولگە يە بولا الماي، سونىڭ سالدارىنان اۆتوبۋس اۋدارىلعان.
جول اپاتى فاكتىسى بويىنشا قىلمىستىق تەرگەۋ باستالدى.
