سينوپتيكتەر جەلتوقسان ايىنا ارنالعان كونسۋلتاتيۆتىك اۋا رايى بولجامىن جاريا ەتتى، - دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساپ.

الدىن الا بولجام بويىنشا ايدىڭ ءبىرىنشى ونكۇندىگىندە انتيسيكلوننىڭ ىقپالى اسەر ەتەدى. سالدارىنان ەلىمىزدىڭ بارلىق ايماعىندا اۋا رايى جاۋىن-شاشىنسىز بولىپ، تۇندە جانە تانەرتەن تۇمان ءتۇسۋى مۇمكىن.

"اۋا تەمپەراتۋراسى باتىستا تۇندە 2...12 گرادۋس اياز، كۇندىز 2 گرادۋس اياز...3 جىلى. سولتۇستىكتە، ورتالىقتا جانە شىعىستا تۇندە 10...20 گرادۋس اياز، كۇندىز 2...10 گرادۋس اياز.تەك ەلىمىزدىڭ وڭتۇستىگىندە ايدىن باسىندا سيكلون ىقپال ەتيپ جاۋىن شاشىن جاۋىپ، تۇمان جانە كوك تايعاق ساقتالادى. اۋا تەمپەراتۋراسى ونكۇندىك بويى تۇندە 5...15 گرادۋسايازدان 0...5 گرادۋس ايازعا، كۇندىز 0...5 گرادۋس ازدان 0...8 گرادۋسقا دەيىن جوعارىلايدى"، - دەدى سينوپتيكتەر.

ۇزاق مەرزىمدى بولجام بويىنشا ەكىنشى ونكۇندىكتىڭ باسىندا جانە سوڭىندا، سونداي-اق، ءۇشىنشى ونكۇندىكتىڭ سوڭىندا ءۇش سالقىن تولقىنى بولۋى ىقتيمال. اركتيكالىق تەڭىزدەن ەنەتىن سۋىق اۋا ماسسالارىنىڭ سالدارىنان ەلىمىزدىڭ سولتۇستىك-شىعىس بولىگىندە ەكىنشى ونكۇندىكتىڭ سوڭىندا قارقىندى سالقىن كۇتىلەدى. اۋا تەمپەراتۋراسى تۇندە 25...35 گرادۋس ايازعا، كۇندىز 15...20 گرالۋس ايازعا دەيىن تومەندەيدى.

جەلتوقسان ايىندا ورتاشا ايلىق تەمپەراتۋراسى كليماتتىق ماندەرگە جاقىن بولادى، تەك ماڭعىستاۋ، قىزىلوردا جانە وڭتۇستىك قازاقستان وبلىستارىندا مولشەردەن تومەن بولادى.

سونداي-اق، جەلتوقسنادا جاۋىن-شاشىننىڭ ايلىق مولشەرى باتىس قازاقستان، اتىراۋ وبلىستارىندا مولشەردەن كوپ، ماڭعىستاۋ، اقتوبە، قوستاناي، سولتۇستىك قازاقستان، اقمولا، پاۆلودار وبلىستارىندا جانەدە شىعىس قازاقستان، الماتى، جامبىل جانە وڭتۇستىك قازاقستان وبلىستارىنىڭ تاۋ جانە تاۋ بوكتەرلى اۋداندارىندا مولشەردەن كوپ، قالعان ايماقتاردا مولشەردەن از بولاتىنى ايتىلادى.