مەملەكەت باسشىسى نۇرسۇلتان نازاربايەۆ گەرمانيا فەدەراتيۆتىك رەسپۋبليكاسىنىڭ ىسكەر توپتار وكىلدەرىمەن كەزدەستى، دەپ جازادى Qamshy.kz اقپارات اگەنتتىگى.
بۇل تۋرالى اقوردانىڭ باسپا ءسوز قىزمەتى حابارلادى.
كەزدەسۋگە گەرمانيا ەكونوميكاسى شىعىس كوميتەتىنىڭ ءتوراعاسى ۆولفگانگ بيۋحەلە، «كناۋف» كومپانياسىنىڭ يەسى نيكولاس كناۋف جانە گەرمانيا فەدەراتيۆتىك رەسپۋبليكاسىنىڭ قازاقستان رەسپۋبليكاسىنداعى ەلشىسى رولف مافاەل قاتىستى.
مەملەكەت باسشىسى استاناعا ىسكەرلىك ساپارمەن كەلگەن نەمىس بيزنەسمەندەرىنە تابىس تىلەدى.
– استاناعا قوش كەلدىڭىزدەر. سىزدەردىڭ دەلەگاسيالارىڭىز مىقتى قۇراممەن كەلىپتى. سىزدەر ۇكىمەتتە كەزدەسۋلەر وتكىزىپ، قازاقستاننىڭ بيزنەسمەندەرىمەن دە جولىعاسىزدار. بۇل كەزدەسۋلەردىڭ جەمىستى بولاتىنىنا سەنىمدىمىن، – دەدى نۇرسۇلتان نازاربايەۆ.
قازاقستان پرەزيدەنتى بيىلعى قازان ايىندا سوچي قالاسىندا گەرمانيا فەدەراتيۆتىك رەسپۋبليكاسى ىسكەر توپتار وكىلدەرىمەن وتكىزگەن كەزدەسۋىنىڭ ناتيجەلى بولعانىن اتاپ ءوتتى.
سونداي-اق، مەملەكەت باسشىسى قازاقستاندا جۇمىس ىستەپ جاتقان نەمىس كومپانيالارىنىڭ كوپ ەكەنىن ايتىپ، ەكى ەلدىڭ ىسكەر توپتارى اراسىنداعى ىنتىماقتاستىقتى نىعايتۋدىڭ ماڭىزدىلىعىنا نازار اۋداردى.
گەرمانيا ەكونوميكاسى شىعىس كوميتەتىنىڭ ءتوراعاسى ۆولفگانگ بيۋحەلە كەزدەسۋگە مۇمكىندىك تۋعىزعانى ءۇشىن نۇرسۇلتان نازاربايەۆقا العىس ايتىپ، سوچي قالاسىنداعى كەلىسسوزدەر بارىسىندا قول جەتكىزىلگەن ۋاعدالاستىقتارعا توقتالدى.
– قازاقستان مەن گەرمانيا اراسىندا قارقىندى ەكونوميكالىق قارىم-قاتىناس ورنادى. ونىڭ دامۋى 2017 جىلى وڭ ناتيجە كورسەتىپ وتىر. بۇل رەتتە، گەرمانياعا قازاقستاننان كەلەتىن يمپورتتىڭ كولەمى ارتىپ كەلە جاتقانىن اتاپ وتكەن ءجون، – دەدى ۆ.بيۋحەلە.
