تانىمال كومپوزيتور قالدىبەك ءقۇرمانالى مادەنيەت جانە سپورت ءمينيسترى ارىستانبەك مۇحامەدي ۇلىنىڭ مالىمدەمەسى مەملەكەتتىك قىزمەتكەردىڭ ايتاتىن ءسوزى ەمەس دەپ ايتتىدەپ جازادى Qamshy.kz اقپارات اگەنتتىگى ratel.kz-كە سىلتەمە جاساي وتىرىپ.

«ءار ادامنىڭ جەكە ءوز پىكىرى بولادى جانە ايتۋعا قۇقىلى. ال ءمينيستردىڭ بۇلاي سويلەۋگە مورالدىق حاقىسى جوق. مينيستر بەتحوۆەن، موسارت اش ءجۇرىپ نەبىر شەديەۆرلەردى دۇنيەگە اكەلدى دەيدى. وندا  مينيسترلەرگە كىتاپحاناشىنىڭ ايلىعىن بەرەيىك. 30 مىڭ تەڭگەمەن ءبىر اي ءومىر ءسۇرىپ كورسىن. بالكىم، سول كەزدە ولار قىزمەتتەرىندە شىعارماشىلىق تابىسقا جەتىپ، جاقسى جۇمىس جاسار»، - دەيدى كومپوزيتور.

سونداي-اق، كومپوزيتور بەتحوۆەن مەن موسارت مىسالى ويعا قونىمسىز، بۇل توق بالا اش بالامەن وينامايدىنى كەرى دەيدى.  

«ءقازىر شوۋ-بيزنەس وكىلدەرى مەن اسابالاردىڭ عانا جاعدايى جاقسى. ءبىراق ولار ناعىز ونەرپازدارعا جاتپايدى. كەرىسىنشە، شىن تالانتتاردىڭ ومىرگە بەيىمى جوق. ولاردى مەملەكەت قولداۋى كەرەك. مينيستر ونەر سالاسىنىڭ جاناشىرى بولۋى ءتيىس.

مادەنيەت سالاسىندا كۇنىن كورە الماي جۇرگەن ادامدار بار. مەملەكەتتىك باعدارلامامەن ءۇي الىپ، يپوتەكاسىن تولەۋگە ايلىقتارى جەتپەي جۇرگەندەر قانشاما؟ مەن مەملەكەتتىك قىزمەتتە ىستەپ كورگەن اداممىن. وڭىرلەردە كىتاپحاناشىلار تاپشى. ەشكىم ونداي از ايلىققا جۇمىس جاساعىسى كەلمەيدى. ال ولار سايلاۋدىڭ بارلىق جۇمىسىندا قۇلاق كەستى قۇل سياقتى جۇرەدى. بۇكىل قازبا بايلىقتىڭ ۇستىندە وتىرىپ اش بولۋعا بولا ما؟»، - دەدى قالدىبەك ءقۇرمانالى،.  

ەستەرىڭىزگە سالا كەتەيىك، كەشە مينيستر ارىستانبەك مۇحامەدي ۇلى ماجىلىستەگى ۇكىمەت ساعاتىندا ونەر ادامى اش بولعاندا شىعارماشىلىق تابىسقا جەتەدى دەگەن بولاتىن.