الماتى وبلىسىندا جانۋارلاردى قورلاپ ولتىرگەن ءتالىمباق تابىلدى. بۇل جەر ىلە اۋدانىندا اششىبۇلاق اۋلىندا ورنالاسقان. جانۋارلاردىڭ قۇقىعىن قورعاۋشىلار مەن ەرىكتىلەر توبىنىڭ ايتۋىنشا، يتتەردى سۇمدىق جاعدايدا ۇستاعان. وسىنىڭ سالدارىنان اشىققان  يتتەر ءبىر-بىر جەگەن. بۇل تۋرالى حابارلايدى ktk.kz.

يتتەرگە تاماق ورنىنا توپىراق بەرگەن. الدەرى قالماعان جانۋارلار ءتىپتى ۇرە دە الماي قالعان. ەرىكتىلەر توبى كەلگەن ۋاقىتتا جانۋارلار جانىندا ەشقانداي قىزمەتكەرلەر بولماعان. جانۋارلارعا جاردەم  بەرەمىز دەگەنشە ءتالىمباق يەلەرى يتتەردىڭ كوزىن جويىپ ۇلگەرگەن

ەرەكشە جانۋارلارعا ارنالعان باسپانانىڭ يەسى ۋليانا باكايەۆا بارلىق يتتەردى قامقورلىققا الۋعا دايىن ەدىك دەيدى. «جانۋارلارعا تاماق، قاجەتتى زاتتاردى دايىنداپ قويعان بولاتىنبىز. الايدا ولاردى سول قالپى ءتىرى كۇيىندە كورە المادىق. ءبىز كەلگەندە شۇڭقىر ىشىندە ولاردىڭ مايىتتەرى تابىلدى»-دەيدى ايەل.

اتالعان جەردىڭ تەرريتوياسىندا جانۋارلاردىڭ دەنەلەرى لاقتىرىلعان ارنايى شۇڭقىر تابىلدى. ەرىكتىلەر توبى كورىپ كەتكەن  الابايدىڭ ءبىر ساعاتتان سوڭ  شۇڭقىردا ءمايىتى عانا قالعان.

بەلگىلى بولعانداي، اتالعان جەر مال قورىمى بولىپ شىققان. الايدا ونىڭ جابىلعانىنا ەكى اپتاداي ۋاقىت بولعان. ۇيىم باسشىسى يتتەردەن وبلىس تۇرعىندارى وزدەرى باس تارتىپ، بىزگە بەرىپ جىبەرگەن دەيدى. «يتتەر بىزدە 3 كۇن بولادى. سودان كەيىن ءبىز ولاردى ۇيىقتاتامىز»-دەيدى ول.

جانۋارلار قۇقىعىن قورعاۋشىلار يتتەردى نە سەبەپتى مال قورىمىندا ۇستاعانىن تۇسىنبەگەن. ەرىكتىلەر جانۋارلاردى نە سەبەپتى  قورلاپ، ودان كەيىن ولتىرگەنىن  پوليسيا كومەگىمەن شەشۋگە بەل بايلاپ وتىر.