6 جەلتوقساندا (باست. 17.00 دە) ەلباسى ن.ءا.نازاربايەۆتىڭ «رۋحاني جاڭعىرۋ» باعدارلاماسىنىڭ «جاھانداعى زاماناۋي قازاقستاندىق مادەنيەت» اتتى حالىقارالىق جوباسى اياسىندا ق ر مادەنيەت جانە سپورت مينيسترلىگىنىڭ قولداۋىمەن م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ «توكيو ساپارىنا» ارنالعان باسپا ءسوز كونفەرەنسياسى وتەدى. كونفەرەنسيا م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا وتەدى دەپ حابارلايدى Qamshy.kz اقپارات اگەنتتىگى. 

ەلباسى ن.ءا.نازاربايەۆتىڭ «رۋحاني جاڭعىرۋ» باعدارلاماسىنىڭ اياسىندا، جاھانداعى زاماناۋي قازاقستاندىق مادەنيەتتىڭ مارتەبەسىن كوتەرۋ ءۇشىن م.اۋەزوۆ اتىنداعى قازاق مەملەكەتتىك اكادەميالىق دراما تەاترى ق ر مادەنيەت جانە سپورت مينيسترلىگىنىڭ قولداۋىمەن 2017 جىلدىڭ 19-26 جەلتوقسان ارالىعىندا جاپونيا استاناسى توكيوعا «اقتاستاعى احيكو» قويىلىمى جانە «ۇلى دالا ەلى» اتتى ۇلت رۋحانياتىن ۇلىقتايتىن كونسەرتتىك باعدارلامامەن گاسترولدىك ساپارعا شىقپاقشى. سونىمەن بىرگە، تەاتر مۋزەيىنەن ورىن العان قۇندى جادىگەرلەرىمىز بەن ۇلتتىق قۇندىلىقتارىمىزدى تانىتاتىن كورمە ۇيىمداستىرادى.