بيىلعى جىلى شىعىس قازاقستان وبلىسىنداعى كوپكە ايگىلى كيەلى ورىندار مەن قاجىلىق ەتەتىن جەرلەردى اباتتاندىرۋ ءۇشىن كوپ جۇمىستار جاسالدى. 2017 جىلعى 29 قاراشادا استانا قالاسىنداعى ورتالىق كوممۋنيكاسيالار قىزمەتىندە وتكەن بريفينگ بارىسىندا شىعىس قازاقستان وبلىسىنىڭ اكىمى دانيال احمەتوۆ بيلىكتىڭ بۇل باعىتتاعى جۇمىستاردى جالعاستىرۋعا نيەتتى ەكەندىگىن ايتتى.

2017 جىلى اباي اۋدانىنداعى قوڭىر-اۋليە ۇڭگىرىنە اباتتاندىرۋ جۇمىستارى جۇرگىزىلدى. قاسيەتتى جەرلەردىڭ ءبىرى بولىپ سانالاتىن قوڭىر اۋليە ۇڭگىرىن كوركەيتۋگە 25 ملن تەڭگە ءبولىندى. اتقارىلعان جۇمىستىڭ ناتيجەسىندە ۇڭگىرگە ءتۇسىپ بارا جاتقان ادامداردىڭ الاۋ جاعۋىنان قالعان قالدىقتار، ۇڭگىردىڭ ماڭايىندا جاتقان بارلىق قوقىستار تازارتىلعان. قۇرىلىسشىلار كىرە بەرىسكە جوعارى قورعانىس عيماراتىن ورناتتى. كەلۋشىلەرگە ارنالعان اعاش باسپالداقتار مەن ورىندىقتار قويىلدى.

سونىمەن قاتار، تارباعاتاي اۋدانىنداعى ىرعىزباي اتا كەسەنەسى كوركەيتىلدى: ەلەكتر جەلىسى ورناتىلىپ، سۋبۇرقاق سالىنعان. بۇل جۇمىستارعا 50 ملن تەڭگە جۇمسالدى.

بۇگىندە وبلىستاعى باسقا دا كيەلى ورىنداردىڭ تۋريستىك ينفراقۇرىلىمىن دامىتۋ بويىنشا ۇسىنىستار ازىرلەنۋدە.