بۇگىن قازاقستان رەسپۋبليكاسىنىڭ تۇڭعىش پرەزيدەنتى كۇنى «حالىق ارەنا» مۇز سارايىندا ەرەكشە شوۋ باعدارلاماسى بار مەرەكەلىك كونسەرت ۇيىمداستىرىلدى. الماتى اكىمى باۋىرجان بايبەك قالا تۇرعىندارىن مەرەكەمەن قۇتتىقتاپ، ەلباسى ساياساتى مەن شەشىمدەرىنىڭ نەگىزى حالىقتىڭ مۇددەسى مەن جاقسى تۇرمىسى بولعانىن اتاپ ءوتتى.
«بارلىق كەزەڭدەردە، اسىرەسە قيىن ساتتەردە ءار حالىقتىڭ تىعىرىقتان الىپ شىعاتىن ءارى ءتۇرلى ۇلتتى ۇلى ماقسات جولىنا بىرىكتىرەتىن، تاريحي كەدەرگىلەردى جويا بىلەتىن كوشباسشىسى بولعانى اقيقات. ءبىزدىڭ ەلىمىزدىڭ وسىنداي كەمەڭگەر جالپىۇلتتىق كوشباسشىسى نۇرسۇلتان ءابىش ۇلى نازاربايەۆ. ەلباسى زاماناۋي قازاقستاندىق مەملەكەتتىڭ ىرگەتاسىن قالادى جانە نىعايتتى، داعدارىس جىلدارى ەلدى ءتۇرلى سىناقتان الىپ شىقتى، نارىقتىق ەكونوميكانى، دەموكراتيالىق ينستيتۋتتاردى قۇردى. ەلىمىزدە تۇراقتىلىقتى، بەيبىتشىلىك پەن كەلىسىمدى قامتاسىز ەتتى»، - دەپ اتاپ ءوتتى باۋىرجان بايبەك.
الماتى اكىمى مەملەكەت باسشىسىنىڭ اسا زور حالىقارالىق بەدەلى ارقاسىندا ەڭ ماڭىزدى ماسەلە، بۇگىنگى جانە بولاشاق ۇرپاقتىڭ قاۋىپسىزدىگىن قامتاماسىز ەتەتىن مەملەكەتتىك شەكارانىڭ بەكىتىلگەنىن قاداپ تۇرىپ ايتتى.
«جاستار – قازاقستاننىڭ بولاشاعى، ولار ءبىزدىڭ تاۋەلسىزدىگىمىزدى ساقتاۋى جانە ودان ءارى دامىتۋلارى ءتيىس. ەلباسىنىڭ «رۋحاني جاڭعىرۋ» باعدارلاماسىندا ايتىلعان باسەكەگە قابىلەتتىلىك، اشىقتىق، پرازماتيزم، ءبىلىم كۋلتى ءبىزدىڭ باستى قاعيدالارىمىز بولسىن»، - دەدى مەگاپوليس اكىمى.
ءوزىنىڭ قۇتتىقتاۋ سوزىندە باۋىرجان بايبەك مەملەكەت باسشىسىنىڭ تۇراقتى قولداۋى ارقاسىندا الماتىنىڭ دامىپ، ءىرى جەتىستىكتەر بيىگىنەن كورىنۋىن ەرەكشە اتاپ ءوتتى. قالانىڭ باستى كوشەلەرىنىڭ بىرىنە قازاقستان رەسپۋبليكاسىنىڭ تۇڭعىش پرەزيدەنتى ەسىمىنىڭ بەرىلۋى قالالىقتاردىڭ ەلباسىعا دەگەن قۇرمەتىن، العىسى مەن ىزگى نيەتتەرىن بىلدىرەدى.
بۇگىن «حالىق ارەنا» ساحناسىندا شىعارماشىل ۇجىمدار ونەر كورسەتتى، ءوتاندقو ەسترادا جۇلدىزدارى كامشات جولدىبايەۆا، ەركە ەسماحان، ايدانا مەدەنوۆا، نۇرجانا كەرمەنبايەۆ، ءالي وقاپوۆ، «Alau»، «Aumi»، «Assyl» جانە باسقالارى پاتريوتتىق اندەردى ورىندادى.
