رەسەي مەملەكەتتىك دۋماسىنىڭ دەپۋتاتى ۆيتاليي ميلونوۆ قازاقستانعا، سونداي-اق بريكس قۇرامىنداعى ەلدەر مەن بەلارۋس جانە قىرعىزستانعا وڭتۇستىك كورەياداعى وليمپياداعا قاتىسۋدان باس تارتۋدى ۇسىندى، دەپ جازادى Qamshy.kz اقپارات اگەنتتىگى. بۇل تۋرالى ر-سپورت حابارلايدى. 

«رەسەي قۇراماسى قاتىسپايتىن بولسا، رەسەيمەن ىنتىماقتاستىقتىڭ بەلگىسى رەتىندە وليمپيادا ويىندارىنان باس تارتۋلارىڭىزدى سۇرايمىن.

قازىرگى ۋاقىتتا حالىقارالىق وليمپيادا كوميتەتىنىڭ رەسەيدى الشاقتاپ جاتقانىنا كۋامىز. مۇنىڭ استارىندا ساياسي قىسىمنىڭ جاتقانىن جاقسى بىلەمىز. اقش پەن ونىڭ جاقتاستارى ءار ۋاقىتتا ەلدەرىمىزگە ساياسي قىسىم كورسەتىپ، ەكونوميكالىق تۇرعىدا بوپسالاپ كەلدى. بۇگىندە سەم كوكەمىزدىڭ باستى كوزدەگەنى، نىساناسى رەسەي بولىپ تۇر. ءبىراق باتىستىڭ ەكونوميكالىق قاقپانىنا ءسىزدىڭ مەملەكەتىڭىز نەمەسە ۇلتتىق نامىسىڭىزدىڭ تۇسپەۋىنە كىم كەپىل؟»، - دەدى ميلونوۆ.  

قىسقى وليمپيادا ويىندارى وڭتۇستىك كورەيانىڭ پحەنچحان قالاسىندا 2018 جىلى 9-25 اقپان ارالىعىندا وتەدى. رەسەيدىڭ وليمپيادا كوميتەتى حوك اتقارۋشى كوميتەتىنىڭ شەشىمىمەن جارىستان  الاستاتىلعان.