الماتى قالاسىنىڭ تىلدەردى دامىتۋ باسقارماسى الماتى قالاسى اكىمدىگىنىڭ 2017 جىلعى 18 مامىرداعى № 2/163 «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011 - 2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى الماتى قالاسىنىڭ 2016-2019 جىلدارعا ارنالعان ءىس-شارالار جوسپارىن بەكىتۋ تۋرالى» قاۋلىسىن جۇزەگە اسىرۋ ماقساتىندا جانە باسقارمانىڭ 2017 جىلعا ارنالعان جوسپارىنا سايكەس «رۋحاني جاڭعىرۋ» باعدارلاماسى اياسىندا ق ر تاۋەلسىزدىك كۇنىنە وراي ءان سالۋ، تەرمە ايتۋ، كوركەمسوز وقۋ شەبەرلىگىن يگەرگەن 18 جاستان اسقان ازاماتتار اراسىندا 2017 جىلى 8 جەلتوقساندا ساعات 14.00-دە «انا ءتىلىم - ءان-جىرىم» اتتى قالالىق بايقاۋىن وتكىزدى، دەپ حابارلايدى Qamshy.kz اقپارات اگەنتتىگى.
اتالمىش بايقاۋدىڭ بايقاۋدىڭ ماقسات-مىندەتتەرى تومەندەگىدەي بولدى:
قازاق ءتىلىنىڭ قولدانىلۋىن دامىتۋ، مەملەكەتتىك ءتىل ساياساتىن ناسيحاتتاۋ، دارىندى جاستارعا قولداۋ كورسەتۋ. تاۋەلسىز قازاقستاننىڭ قول جەتكىزگەن تابىستارىن ناسيحاتتاۋ، قازاقستاندىق رۋحاني بىرلىكتى نىعايتۋ جانە وتانسۇيگىشتىك سەزىمدى تاربيەلەۋ، كوپشىلىكتىڭ قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ.
«انا ءتىلىم - ءان-جىرىم» اتتى قالالىق بايقاۋى كەلەسى شارتتار بويىنشا وتكىزىلگەن بولاتىن: بايقاۋ ءان، تەرمە، كوركەمسوز جانرىنداعى «سۇلۋ سازدى اسەم ءان»، «تولعاۋى تەرەڭ جىر-تەرمە»، «ماعىنالى ويلى كوركەمسوز» اتتى ءۇش نوميناسيا بويىنشا وتكىزىلەدى. قاتىسۋشىلار وتان، تۋعان جەر، قازاق ەلى، انا ءتىلى، ۇلتتىق رۋح، تاۋەلسىزدىك، سايكەس «رۋحاني جاڭعىرۋ»، تاتۋلىق پەن ىنتىماقتاستىق تاقىرىبىنداعى شىعارمالاردى تاڭداۋى ءتيىس. ورىندالاتىن شىعارما كولەمى 3-5 مينۋتتان اسپاۋى كەرەك. ءان سالعاندا داۋىسى جازىلعان دايىن فونوگراممالاردى پايدالانۋعا تىيىم سالىنادى، تەك مينۋس تۇرىندەگى دايىن فونوگراممانى قولدانۋعا رۇقسات ەتىلەدى. سونىمەن قاتار، بەلگىسىز اۆتورلاردىڭ كوركەمدىگى تومەن شىعارمالارىن ورىنداۋعا تىيىم سالىندى.
بايقاۋعا قاتىسۋشىلاردىڭ ونەرىن باعالاۋ كەزىندە ولاردىڭ ءان سالۋ، تەرمە ايتۋ، دومبىرا تارتۋ، كوركەم ءماتىندى وقۋ شەبەرلىگىنە، داۋىس مانەرىنە جانە ءتىل تازالىعىنا، شىعارمانى ءماتىندى تاڭداۋ تالعامىنا، ساحنادا ءوزىن-وزى ۇستاۋىنا، كيىم سانىنە باسا نازار اۋدارىلعان بولاتىن.
بايقاۋدىڭ ناتيجەسىنە بايلانىستى جۇلدەگەرلەرگە ءار نوميناسيا بويىنشا جەڭىمپاز جانە جۇلدەگەر اتانعان ونەرپازدارعا ءتيىستى ديپلومدار مەن باعالى سىيلىقتار، قاتىسۋشىلارعا العىس حاتتار مەن ەستەلىك سىيلىقتار تاپسىرىلدى.
