الماتىدا تەرروريزمدى ناسيحاتتاعانى ءۇشىن ۇستالعاندار پوليسەيلەر مەن شەنەۋنىكتەرگە شابۋىل جاساۋدى جوسپارلاعان، دەپ حابارلايدى Qamshy.kz اقپارات اگەنتتىگى Sputnik قازاقستان  سايتىنا سىلتەمە جاساي وتىرىپ.

الماتى پوليسياسى ق ر قك 256-بابى بويىنشا (تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ) جۇماعۇلوۆ، ءومىروۆ، ابىشيەۆكە قاتىستى قىلمىستىق ءىستى تەرگەپ جاتىر. سوت سانكسياسىمەن ولار 2 ايعا تەرگەۋ يزولياتورىنا قامالدى. 

"تەرگەۋ بارىسىندا جۇماعۇلوۆ باستاعان كۇدىكتىلەر قۇقىق قورعاۋ مەن مەملەكەتتىك قۇرىلىم وكىلدەرىنە قارسى كۇش كورسەتۋ اكسيالارىن جوسپارلاعانى انىقتالدى»، — دەدى الماتى ءىىد رەسمي وكىلى سالتانات ازىربەك. 

پوليسەيلەردىڭ اقپاراتىنشا، جۇماعۇلوۆ كاسىپكەرلەردەن اقشا بوپسالاۋ ءۇشىن قىلمىستىق توپ قۇرىپ، قىرعىزستاننان قارۋ ساتىپ الۋدى جوسپارلاعان. سونداي-اق ول پوليسەيلەرگە ۇستالعان جاعدايدا، بار كىنانى ءوز موينىنا الاتىن ادامداردى دا ىزدەگەن. 

"اقشا بوپسالاعاننان كەيىن جۇماعۇلوۆ قۇقىق قورعاۋ ورگاندارىنىڭ قىزمەتكەرلەرىنە قارسى بەلسەندى ىس-ارەكەتكە كوشۋدى جوسپارلاعان. ەشكىمگە سىر بىلدىرمەۋ ءۇشىن ۇيالى تەلەفوندار مەن SIM-كارتالار ساتىپ الماقشى بولعان»، — دەپ ناقتىلادى پوليسياداعىلار. 

ەستەرىڭىزگە سالىپ وتسەك، قاراشا ايىنىڭ سوڭىندا تەرروريزمدى ناسيحاتتادى دەگەن كۇدىكپەن ءبىر توپ قازاقستاندىق ۇستالعان بولاتىن. كوپ ۇزاماي توپتىڭ ءۇش ليدەرى – شىعىس قازاقستان، الماتى جانە جامبىل وبلىسىنىڭ تۋمالارىن قاماۋعا الۋعا سانكسيا بەرىلدى. پوليسەيلەر باق-تا كۇدىكتىلەردىڭ قارۋلى جيحادقا شاقىرعان بەينەۇندەۋىن جاريالادى.