بريۋسسەل قالاسىندا رەسپۋبليكالىق اكادەميالىق نەمىس تەاترى، «Astana Musical» تەاترى، «استانا سازى» ەتنو-فولكلورلىق ءانسامبلى ونەر كورسەتتى دەپ حابارلايدى Qamshy.kz اقپارات اگەنتتىگى.

شىعارماشىلىق ۇجىم ءوزىنىڭ مادەني مىندەتىن ۇلكەن جەتىستىكپەن اتقارىپ، قازاقستاننىڭ ۇلتتىق ونەرىنىڭ ۇزدىك ۇلگىلەرىن الەمگە تانىتتى. «ۇلى دالا تەاترىنىڭ» گاسترولدىك ساپارىن «رۋحاني جاڭعىرۋ» باعدارلاماسىنىڭ اياسىندا، قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ قولداۋىمەن، ەۋروپانىڭ بەس استاناسىندا – پاريج، بەرلين، بەلگيا، ۆەنا جانە ماسكەۋدە ونەر كورسەتىپ جاتىر.

قازاقستاندىق شىعارماشىلىق ۇجىم قازاق جانە الەم جاۋھارلارى بولىپ سانالاتىن ۇزدىك مۋزىكالىق شىعارمالاردى ساحنالادى. بۇل «استانا سازى» ەتنو-فولكلورلىق ءانسامبلىنىڭ سۇيەمەلدەنۋمەن «Astana Musical» تەاترىنىڭ «قىز جىبەك» قويىلىمى، نەمىس تەاترىنىڭ قويىلىمىنداعى «قاراگوز» تۋىندىسى ساحنالاندى.

«ءبىزدىڭ ەۋروپانىڭ بەس ءىرى استاناسىندا تۋر جاساۋىمىز «ۇلى دالا تەاترى» ءيميدجدى جوبالارىنىڭ ءبىرى بولىپ تابىلادى. ءبىزدى جىلى قابىلداپ، ونەرىمىزگە جوعارى باعا بەرگەن ەۋروپا كورەرمەنى ەرەكشە قۋانتادى» ، - دەپ اتاپ ءوتتى نەمىس تەاترىنىڭ جەتەكشىسى ناتاليا دۋبس.

سۇلۋ قاراگوزدىڭ سىرىم اقىنعا ماحابباتى تۋرالى اڭىز ناتاليا دۋبس سياقتى تالانتتى رەجيسسەردىڭ قويلىمى ارقىلى جاڭا تارتىمدى سيپاتقا يە بولدى. ول ءبىرىنشى رەت بۇۇ-نىڭ التى تىلدەرىنىڭ ءبىرى نەمىس تىلىندە ءبىرىنشى رەت جارىققا شىقتى. بۇل تۋىندىنىڭ كوركەمدىگى مەن تەرەڭدىگىن كۇشەيتكەن بەرلين حورەوگرافى فلوريانا بيلباونىڭ دايىنداعان ءبيى. سپەكتاكلگە ءان جازعان گەرمانيا كومپوزيتورى Iayrope.

سىنشىلاردىڭ پىكىرى بويىنشا، «قاراگوزدىڭ» جاڭا قويىلىمى كلاسسيكا جانرىن سۇيەتىن كورەرمەن مەن جالپى ونەردى باعالايتىن جۇرتشىلىققا ەرەكشە اسەر ەتتى.

جاس قازاق تەاترى بريۋسسەل تۇرعىندارىنا ەتنو-فولكلورلىق ميۋزيكل «قىز جىبەك» قويىلىمىن سىيلادى. كورەرمەندەردىڭ ايتۋى بويىنشا، قويىلىمنىڭ ۇلتتىق نازىك حوش ءيىسى بىردەن سەزىلەدى، قازاق مادەنيەتىن ايرىقشا ەرەكشەلىكتەرىمەن ايشىقتايدى.

«قىز جىبەك» – قازاق فولكلورىنىڭ ءىنجۋ-مارجانى. سۇيىسپەنشىلىكتىڭ ءانۇرانى بولىپ تابىلاتىن تۋىندى – حالىقتىڭ پوەزيالىق مۇراسىنىڭ بارلىق سالتاناتتى ۇلىلىعىن سىڭىرگەن.

«قىز جىبەك» كەيىپكەرلەرى ارقىلى ءبىز ەۋروپادا تانىلعان رومەو مەن دجۋلەتتانى كورەمىز. جىبەكتىڭ بەينەسى حالىقتىڭ جۇرەگىندە ساقتالعان سۇلۋلىق، ماحاببات پەن ادالدىقتىڭ جارقىن بەينەسى. «قىز جىبەك» اڭىزى زاماناۋي قازاق قوعامىنىڭ ورتاق مۇراسى بولىپ تابىلاتىن عاسىرلىق رۋحاني جانە ادامگەرشىلىك قۇندىلىقتاردى بەينەلەيدى.

«مەن وسى سپەكتاكلدىڭ اۆتورلارى مەن بريۋسسەلگە الىپ كەلگەن بارلىق ۇيىمداستىرۋشىلارعا ءوز العىسىدى جەتكىزگىم كەلەدى. سونداي-اق، مەن تانىسىپ ۇلگەرگەن بارلىق كورەرمەن قاۋىم اتىنان دا بريۋسسەل ساحناسىندا وسىنداي تۋىندىنىڭ ساحنالانۋىنا ۇلەس قوسقان ۇيىمداستىرۋشىلارعا باسىمدى يەمىن. ۇلتتىق ءسالت-داستۇرلى، ۇلتتىق بايلىققا اينالعان قۇندىلىقتىردى، ۇلتتىق جەتتىستىكتەرىمىزدى تانىستىرۋ ماڭىزدى دەپ ەسەپتەيمىن. سىزدەردىڭ ۇلكەن ەلدەرىڭىزدىڭ باي داستۇرلەرىمەن تانىسىپ، قۋانىپ جاتىرمىز. بۇل ءسوزىڭ قاراشىعىنداي ساقتالۋى ءتيىس ءىنجۋ دەپ بىلەمىن. بۇگىن وسىنداي بىرەگەي قويىلىمدى تاماشالاعانىما قۋانىشتىمىن» - دەپ ءوز پىكىرلەرىمەن ءبولىستى مادەنيەت جانە ءبىلىم سالاسىنداعى حالىقارالىق جوبالار قاۋىمداستىعىنىڭ باسشىسى، كورەرمەن سۆەتلانا پوپوۆا. 

«قازاقستان رەسپۋبليكاسىنىڭ مادەنيەت جانە سپورت مينيسترلىگى جۇزەگە اسىرىپ وتىرعان «جاھاندىق الەمدەگى زاماناۋي قازاقستاندىق مادەنيەت» جوباسى قازاقستاندىق شىعارماشىلىق جوبالار مەن قازاقستاندىق ۇجىمداردىڭ جاڭا يدەيالارىنا تىڭ سەرپىن بەرەدى دەپ ويلايمىن. بۇل ءوز مۇمكىندىكتەرىمىزدى جوعارى دەڭگەيگە كوتەرۋ جانە الەمگە ۇلتتىق مادەنيەتتىڭ جەتىستىكتەرىن كورسەتۋ ءۇشىن تاماشا مۇمكىندىك»، – دەيدى «Astana Musical» تەاترىنىڭ كوركەمدىك جەتەكشىسى اسحات ماەميروۆ.