1991 جىلدىڭ 10 جەلتوقسانىندا قازاق كسر جوعارعى كەڭەسى «قازاق كەڭەستىك سوسياليستىك رەسپۋبليكاسىنىڭ اتاۋىن وزگەرتۋ تۋرالى» زاڭ قابىلدادى. اتالعان قۇجاتقا سايكەس  جاڭا قۇرىلعان تاۋەلسىز مەملەكەت قازاقستان رەسپۋبليكاسى دەپ اتالدى. ءدال وسى كۇنى سودان ونشاقتى كۇن بۇرىن عانا وتكەن سايلاۋدا حالىقتىڭ 98،8 پايىز داۋىسىنا يە بولعان نۇرسۇلتان نازاربايەۆتى مەملەكەت باسشىسى رەتىندە ۇلىقتاۋ ءراسىمى ءوتتى.

سالتاناتتى شارا سول كەزدەگى ەلىمىزدىڭ ەلورداسى الماتى قالاسىنداعى رەسپۋبليكا سارايىندا ۇيىمداستىرىلدى. قازاقستان پرەزيدەنتى انت بەرەتىن مىنبەنىڭ استىنا ەشكىمنىڭ اياعى تيمەگەن، ەشكىم باسپاعان اق كىلەم توسەلدى.

مەملەكەت باسشىسىنىڭ يىعىنا شاپان جابىلدى. سول تۇستا جاسى 90-نان اسقان حالىق اقىنى شاكىر ابەنوۆ باتا بەرىپ، حالقىمىزدىڭ كورنەكتى قالامگەرى، قوعام قايراتكەرى ءابىش كەكىلبايەۆ تىلەك ايتتى.