الەمدە جىل سايىنعى پارا كولەمى تريلليون دوللاردى قۇرايدى. وعان قوسا الەمدىك ەكونوميكا سىبايلاس جەمقورلىق ارەكەتتەرىنە بايلانىستى تاعى 2،6 تريلليون دوللاردى جوعالتادى. بۇل تۋرالى Qamshy.kz اقپارات اگەنتتىگى بۇۇ جاڭالىقتار ورتالىعىنا سىلتەمە جاساپ حابارلايدى.
بۇۇ جەمقورلىق كەز كەلگەن قوعامنىڭ الەۋمەتتىك-ەكونوميكالىق دامۋىن تەجەيتىن ۇلكەن قىلمىس ەكەنىن ەسكە سالادى. بىردە-بىر مەملەكەت، بىردە-بىر ايماق سىبايلاس جەمقورلىقتان ساقتاندىرىلماعان.
«Transparency International» ۇيىمىنىڭ مالىمەتىنشە، رەسەي، ۋكراينا جانە قازاقستان سىبايلاس جەمقورلىق يندەكسىمەن الەم بويىنشا 131ء-شى ورىندا تۇر. بيىلعى جىلى بۇۇ-نىڭ ەسىرتكى جانە قىلمىس جونىندەگى باسقارماسى مەن بۇۇدب بىرلەسىپ سىبايلاس جەمقورلىقتىڭ ءبىلىم، دەنساۋلىق ساقتاۋ سالالارى، ادىلەتتىلىك پەن دەموكراتياعا قالاي ىقپال ەتەتىنىن ءتۇسىندىرۋدى كوزدەيتىن بىرلەسكەن جوبا ناۋقانىن جاساۋدا.
