بەكبولات تىلەۋحان ەلىمىزدەگى راديكالدى توپتار تۋرالى پىكىر ءبىلدىردى، — دەپ حابارلايدى Qamshy.kz اقپارات اگەنتتىگى. ول ەلىمىزدىڭ باتىس وڭىرىندەگى جاستاردىڭ كوبىسى جات اعىمنىڭ ەتەگىنە ەرىپ كەتكەنىن ايتتى. بەكبولات تىلەۋحاننىڭ ايتۋىنشا، ەلىمىزدەگى جات اعىم ماسەلەسىنە قمدب-نىڭ دا، قازاقتاردىڭ دا قاتىسى جوق، ءبىزدىڭ ەلدى ارانداتىپ جۇرگەن وزگە مەملەكەتتەر ەكەن. 

«ويلانىپ كورىڭىزدەرشى. نەگە راديكالدى توپتار قايتا-قايتا اقتوبەدەن شىعادى؟ نەگە اتىراۋدان شىقپادى؟ نەگە اقتاۋدان، ورالدان شىقپادى؟ ەندى سىزدەرگە سۇراق قويايىن. اتىراۋداعى مۇنايىندا قاي مەملەكەتتەردىڭ ۇلەسى بار؟ اقش پەن باتىس ەلدەرىنىڭ. اقتاۋ مەن ورال مۇنايىندا دا  وسى مەملەكەتتەردىڭ ۇلەسى بار. ال اقتوبەدەگى مۇنايدا قىتايدىڭ ۇلەسى بار. نەگە سول جۇڭگو وتىرعان جەردەن، قىتايدىڭ تۇرباسى سالىنعان جەردەن قايتا-قايتا جانجال شىعا بەرەدى؟ اتىراۋداعى، اقتاۋداعى شەكتەن شىعىپ جۇرگەن جاستار مەن اقتوبەدەگى جاستاردىڭ ايتارلىقتاي ايىرماشىلىعى جوق. ويتەكەنى ماسەلە قىتايدىڭ تۇرباسىنىڭ تۇبىنەن شىعىپ جاتقان سىرتقى كۇشتەردىڭ ناقتى جاساپ جاتقان دۇنيەسى. بۇل جەردە قازاقتىڭ ەشقانداي ۇلەسى جوق. بۇل ارنايى تۇردە سىرتقى كۇشتەردىڭ جاساپ جاتقان دۇنيەسى»، دەيدى بەكبولات تىلەۋحان.