مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىنىڭ پروسەستىك نەگىزدەرىن جاڭعىرتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى دەپ حابارلايدى Qamshy.kz اقپارات اگەنتتىگى.

زاڭ مەملەكەت باسشىسىنىڭ زاڭ شىعارۋ باستاماسى تارتىبىندە قابىلداندى جانە قىلمىستىق-پروسەستىك كودەكسكە، «جەدەل-iزدەستiرۋ قىزمەتi تۋرالى» جانە «پروكۋراتۋرا تۋرالى» زاڭدارعا تۇزەتۋلەردى كوزدەيدى، ولار مىنالارعا:

- قىلمىستىق پروسەستە ازاماتتاردىڭ قۇقىقتارىنىڭ قورعالۋىن كۇشەيتۋگە جانە قىلمىستىق پروسەستىڭ قايتالانۋىن ازايتۋعا؛

- قىلمىستىق پروسەستە، ونىڭ ىشىندە ادۆوكاتتاردىڭ قۇقىقتارىن كەڭەيتۋ ەسەبىنەن جارىسپالىلىقتى ارتتىرۋعا؛

- سوتقا دەيىنگى ساتىدا سوتتىڭ باقىلاۋىن كەڭەيتۋگە؛

- پروسەستىك وكىلەتتىكتەردى ناقتى بولۋگە؛

- قىلمىستىق پروسەستى جەڭىلدەتۋگە جانە ۇنەمدىلىكپەن جۇرگىزۋگە باعىتتالعان.

زاڭنىڭ ءماتىنى باسپاسوزدە جاريالانادى.