نەمىس سانگەرى، Chanel  ءسان ءۇيىنىڭ كرەاتيۆتى ديرەكتورى، كارل لاگەرفەلد  سولتۇستىك كورەيا كوشباسشىسى كيم چەن ىننىڭ كاريكاتۋراسىن سالدى دەپ Qamshy.kz اقپارات اگەنتتىگى Fashion Network-كە سۇيەنىپ جازادى.  

ءتۇرلى-تۇستى قارىنداشتارمەن بەينەلەنگەن كاريكاتۋرادا كيم چەن ىن شىلىم شەگىپ تۇرعان ساتىندە ۇشىپ بارا جاتقان زىمىراننىڭ ۇستىندە وتىر. نەمىس سانگەرى لاگەرفەلد  ءوزى سالعان تۋىندىسىنىڭ استىنا «كيم چەن ىن – جاڭا بارون ميۋنحاۋزەن» دەپ جازىپ قويعان.

كاريكاتۋراعا Frankfurter Allgemeine Magazin باسىلىمىنىڭ رەداكسياسى سۇرانىس بەرگەن. بۇل باسىلىم Frankfurter Allgemeine Zeitung نەمىس گازەتىنىڭ ايلىق قوسىمشاسى. مۇندا ءسانقوي لاگەرفەلد «كاريكاتۋرا» ايدارىن جۇرگىزىپ وتىرادى. ونىڭ ساتيرالىق تۋىندىلارى قاتارىندا انگەلا مەركەلدىڭ جانە وزگە دە تانىمال ساياساتكەرلەردىڭ بەينەلەرى بار.

بۇدان بۇرىن كارل لاگەرفەلد گوليۆۋدتىڭ اتى شۋلى پروديۋسەرى حارۆي ۆاينشتەيندى شوشقا رەتىندە سالعان كاريكاتۋراسى اتاقتى بولىپ كەتكەن ەدى. ونىڭ استىنا بىلاي دەپ جازىلعان: «ءسىز شۆانشتەيندى بىلەسىز بە؟» («شۆانشتەين» نەمىس تىلىنەن اۋدارعاندا شوشقا دەگەن ماعىنانى بىلدىرەدى).