ەير استانا كومپانياسىنىڭ بورتسەرىكتەرى جاپپاي قازاق ءتىلىن ۇيرەنەتىن بولدى دەپ حابارلايدى Qamshy.kz اقپارات اگەنتتىگى. 

ايتا كەتەيىك، وسىدان ءبىراز ۋاقىت بۇرىن وعىز دوعان اتالمىش كومپانيا بورتسەرىگىن قازاق تىلىندە قىزمەت كورسەتپەگەنى ءۇشىن سوتقا بەرگەن بولاتىن. وعىز دوعان كومپانيانىڭ كەشىرىم سۇراپ، 1 تەڭگە كولەمىندە ايىپپۇل تولەۋدى سۇراعان. ەير استانا وكىلى كەشىرىم سۇراۋدان باس تارتىپ، وعىز دوعاندى ۇلت ارازدىقتى قوزدىردى دەپ ايىپتادى. 

وسى ءىستىڭ باسى قاسىندا جۇرگەن زاڭگەر ابزال قۇسپاننىڭ پىكىرىن بىلگەن ەدىك.

– مەن حالىقتىڭ نارازىلىعىن جەتكىزىپ ۇلت ارازدىقتى قوزدىردى دەگەندى العا تارتىپ ەير استانانىڭ اكسيونەرلەرىنە اعىلشىنشا حات جازامىن.  ايتا كەتەيىن، وعىز دوعاندى قولداپ كەلگەندەردىڭ قاراسى كوپ. ەلۋ، الپىستاي ادام سوتقا قازاقستاننىڭ تۇكپىر-تۇكپىرىنەن كەلدى. شىمكەنتتەن، ءتىپتى سوناۋ ورالدان كەلگەندەر بار. بۇل حالىقتىڭ رۋحىن كوتەرەتىن شارا بولدى دەپ ەسەپتەيمىن.