كۋبا جەتەكشىسى راۋل كاسترو كەلەر جىلدىڭ ساۋىرىندە ورنىنان كەتەتىنىن جاريا ەتتى دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرە وتىرىپ. ال مەملەكەتتىك كەڭەستىڭ جاڭا ءتوراعاسى سول كەزدە وتەتىن سايلاۋدا تاڭدالادى. اۋەلدە ساياسي شارا اقپانعا بەلگىلەنگەن بولاتىن. الايدا بيىل كۇزدە ويران سالعان «يرما» داۋىلىنا بايلانىستى ونى كەيىنگە شەگەرۋ شەشىمى قابىلداندى.

 2 ميلليارد دوللار شىعىن اكەلگەن تابيعات اپاتى سالدارىن جويۋ جۇمىستارى ءالى كۇنگە دەيىن جالعاسىپ جاتىر. ايتا كەتكەن ءجون، راۋل كاسترو 30 جىل بويى ەلدىڭ ءبىرىنشى ۆيسە-پرەزيدەنتى بولعان. 2008 جىلدان بەرى كۋبا مەملەكەتتىك كەڭەسىنىڭ ءتوراعاسى لاۋازىمىن اتقارىپ كەلەدى. ال وعان دەيىن بوستاندىق ارالىن ونىڭ باۋىرى فيدەل كاسترو باسقارعان. ەندى ساراپشىلاردىڭ پايىمداۋىنشا، راۋل كاسترونىڭ ورنىن ەلدىڭ قازىرگى ءبىرىنشى ۆيسە-پرەزيدەنتى باسۋى مۇمكىن.