بۇگىن ق ر مادەنيەت جانە سپورت ءمينيسترى ارىستانبەك مۇحامەدي ۇلى  ۋاكراينالىق «گولوس. ءدىتي» شوۋىنىڭ جەڭىمپازى دانەليا تولەشوۆامەن كەزدەستى، دەپ جازادى Qamshy.kz اقپارات اگەنتتىگى.

كەزدەسۋ بارىسىندا ارىستانبەك مۇحامەدي ۇلى دانەليا تولەشوۆانى «گولوس. دiتي» شوۋىنداعى جەڭىسىمەن قۇتتىقتادى. «مادەنيەت جانە سپورت سالاسىنداعى كەز-كەلگەن جەتىستىكتەر قازاقستان ءۇشىن وتە ماڭىزدى. دانەليا، قۇتتىقتايمىز سەنى. دانەليانى ەلباسىمىزدىڭ جانە بۇكىل قازاقستاندىقتار اتىنان ۇلكەن جەتىستىگىمەن قۇتتىقتايمىز» - دەپ اتاپ ءوتتى مينيستر.

كەزدەسۋ بارىسىندا دانەليا تولەشوۆا مادەنيەت جانە سپورت مينيسترلىگىنە العىس ءبىلدىرىپ، جاقىندا وتكەن تەليەۆيزيالىق شوۋ جايلى اسەرىمەن ءبولىستى، ءوزىنىڭ جوسپارلارى تۋرالى ايتىپ ءوتتى.

ەستەرىڭىزگە سالا كەتەيىك، الماتىلىق 11 جاسار دانەليا تولەشوۆا ۋكرايناداعى «گولوس. ءدىتي» ءان بايقاۋىندا جەڭىسكە جەتكەن ەدى. ول اقتىق سىندا وكەان ەلزى توبىنىڭ «نە تۆويا ءۆىينا» ءانىن ۋكراين تىلىندە ورىندادى.

دانەليا تولەشوۆا ديماش قۇدايبەرگەن، پولينا گاگارينا، اني لوراك سياقتى ونەر جۇلدىزدارىمەن بىرگە ءان ايتۋدى ارماندايدى. ق ر مادەنيەت جانە سپورت مينيسترلىگىنىڭ مادەني ءىس-شارالارىنىڭ تۇراقتى قاتىسۋشىسى دانەليا 2015 جىلى «ايالاعان استانا - 2015» بالالار مۋزىكالىق كونكۋرسىنىڭ گران-پري يەگەرى جانە كورەرمەندەر كوزايىمى. 2017 جىلى «بايقوڭىردىڭ جارقىن داۋىستارى»  حالىقارالىق فەستيۆالىنىڭ لاۋرەاتى، 2017 جىلى تبيليسيدە وتكەن (گرۋزيا) «بالالار ەۆروۆيدەنيەسىندەگى» «قازاقستاندىق ساعاتتىڭ» قاتىسۋشىسى.