جۇڭگو پوليسيا قىزمەتى قاشعارداعى جىبەك جولى ماقتا القابىنا قاراما-قارسى ءاليدىڭ ۇيىنە تاپ بەرگەندە، مەزگىل ءتۇس قايتىپ كەلە جاتقان ەدى. ۇيعىر فەرمەرى مەن ونىڭ اتا-اناسى قىتايلار ءۇيدىڭ  جاتىن بولمەسىنەن قۇران كىتاپتى تاپقانعا دەيىن قاراپ تۇردى.

ءالي باسى بالەگە قالعانىن تۇسىنگەن ەدى.

كەلەسى كۇنى تۇندە تەرگەۋشىلەر ءاليدى اعاشقا بايلاپ، باتىس قىتايداعى ونداعان مىڭ ادامدى ولتىرگەن ەتنيكالىق قاقتىعىسقا قاتىسقانى تۋرالى مويىنداۋىن تالاپ ەتىپ، سوققىعا جىققان. ولار ءاليدىڭ بەتىنە تەمەكى شوعىن جانشىپ، سۋ سۇراعاندا تەك تۇزدىسىن بەرگەن. تازا سۋ سۇراعاندا، ونىڭ باسىنا شەلەكتەپ سۋ قۇيعان.

2009 جىلدىڭ قىسقى ءتۇنى بولعان وقيعانى - ءالي بىرنەشە جىلدان كەيىن ەسىنە ءتۇسىردى. تاعدىر ونى سيرياداعى دايش قارا تۋىنىڭ استىنا اكەلدى. قولىنا كالاشنيكوۆ قارۋىن ۇستاپ، جيحاد جاساۋدان تايىنبايتىن جاۋىنگەر ەتتى. تۋعان جەرىنە ورالۋداعى بارلىق ارمان-ماقساتى قىتايعا قارسى شابۋىل جاساۋ بولدى.

2013 جىلدان باستاپ، قىتايدىڭ باتىسىنداعى مىڭداعان ۇيعىرلار، ياعني تۇركى تىلىندە سويلەيتىن كىشىگىرىم مۇسىلمان توبى سيرياعا اتتانىپ، ال-كايدا ۇرىستارىندا ماڭىزدى ءرول اتقاردى. سيريا پرەزيدەنتى باشار اساد اسكەرى التى ايلىق قاقتىعىس اياقتالعان سوڭ، ۇيعىر جاۋىنگەرلەرىمەن كۇرەسۋدە.

ءبىراق سيرياداعى سوعىستىڭ اياقتالۋى قىتايدىڭ ەڭ ۇلكەن قورقىنىشىنىڭ باسى بولۋى مۇمكىن.

«ءبىز سوعىس قالاي بولاتىنىن، نەمەسە باشار اسادتىڭ كىم ەكەندىگىن ويلاعان جوقپىز»، - دەدى ءالي.

«ءبىز تەك قارۋدى قالاي قولدانۋعا بولاتىنىن ۇيرەنىپ، سودان كەيىن قىتايعا قايتىپ ورالعىمىز كەلەدى».

ۇيعىر اسكەرى ونداعان جىلدار بويى ىشكى قىتايعا شابۋىلداپ، مىڭداعان ادامدى ولتىرگەن. 2014 جىلى تەمىرجول ۆوكزالىندا 33 ادام قازا تاپتى. وتكەن جىلى ولار قىتايدىڭ قىرعىزستانداعى ەلشىلىگىن بومبالاعان. 2014 جىلى قىتايلىق تۋريستەر اراسىندا تانىمال تاي حرامىنا شابۋىل جاساپ، 25 ادامنىڭ ولىمىنە اكەپ سوقتىردى.

رەسمي وكىلدەردىڭ ايتۋىنشا، جۇڭگو دا باتىس سياقتى تەرروردىڭ قۇربانى. ولار شىڭجاڭ پروۆينسياسىندا تۇراتىن مۇسىلمانداردى بەيبىت تۇردە ۇستاعىسى كەلەدى. تامىز ايىندا عانا قىتايلىق رەسمي وكىل شىڭجاڭدا تۇراتىن مۇسىلمانداردى «الەمدەگى ەڭ باقىتتى حالىق» دەپ اتاعان ەدى.