رەسمي انكارا 21-22 جەلتوقسان كۇندەرى استانادا وتكەن سيريا كەلىسسوزدەرى بويىنشا سەگىزىنشى كەزەڭنىڭ ناتيجەلەرىنە وڭ باعا بەردى، دەپ حابارلايدى انادولى.
تۇركيانىڭ سىرتقى ىستەر مينيسترلىگى سيريادا زورلىقپەن ۇستاپ وتىرعان ادامداردى تاراپتاردىڭ كەلىسىمى بويىنشا بوساتۋ ماسەلەلەرى جونىندەگى جۇمىستاردى دا اتاپ ءوتتى. مۇنداي قادام سيرياداعى ەكى جاقتى سەنىمدىلىكتى نىعايتادى، دەپ قوستى تۇركيا ءسىم. بۇل تۋرالى Qamshy.kz اقپارات اگەنتتىگى قازاقپاراتقا سۇيەنىپ جازادى.
سونىمەن قاتار ۆەدومستۆودا استاناداعى كەزەكتى كەزەڭ بارىسىندا وسى ماسەلەلەر بويىنشا پىكىر الماسۋلار مەن يدليبتەگى «دەسكالاسيا ايماعىنداعى» شيەلەنىستى تومەندەتۋگە باعىتتالعان جۇمىستار جاقسى ناتيجە بەرىپ جاتقانى تۋرالى ايتىلدى.
سيريا ايماعىن مينالاردان تازارتۋ جونىندەگى قۇجاتتى ماقۇلداۋ ماسەلەسى دە وسى رەتتە قاراستىرىلعان. 2018 جىلدىڭ 29-30 قاڭتارىنا جوسپارلانعان سوچيدە جالعاساتىن ديالوگ الاڭىنا دەيىن، تۇركيا، يران، رەسەي سياقتى كەپىلگەر ەلدەر وكىلدەرىنىڭ قاتىسۋىمەن وسى قالادا الدىن الا وتىرىس وتەدى.
