قازاقستان پرەزيدەنتى نۇرسۇلتان نازاربايەۆ تاريحي وتانىنا ورالام دەگەن دەگەن ادامداردى قولداۋعا شاقىردى، دەپ Qamshy.kz اقپارات اگەنتتىگى ازاتتىققا سىلتەپ جازادى. 

پرەزيدەنت نازاربايەۆ بۇل تۋرالى جەرگىلىكتى باق-قا جىلدى قورتىندىلاپ بەرگەن سۇحباتىندا ايتقان.

- قازاقستاندىق سەميالارعا، قالتالى ازاماتتارعا ايتاتىنىم - قانداستارىمىزدى قابىلداۋعا جاقىن بولۋىمىز كەرەك، - دەگەن نازاربايەۆ وسى سۇحباتىندا.

ونىڭ ايتۋىنشا، تاياۋدا قانداستار ماسەلەسىن رەتتەۋ ءۇشىن ارنايى قور قۇرىلعان. نازاربايەۆ سول قورعا قول ۇشىن بەرۋگە جانە سىرتتان كەلگەن ادامدار قيىنشىلىققا كەزىكسە، وعان كومەكتەتسىپ وتىرۋعا شاقىرعان.

- كەلەم دەگەندەرگە ەسىك اشىق. باسىندا قانداستار تۇراتىن ەلدەرگە بارىپ، جاعدايلارىن ءبىلىپ، قۇرىلتاي شاقىرىپ، كوشتى باسىن باستادىق. سودان بەرى ءبىر ميلليون قانداسىمىز ەلگە كەلدى، - دەيدى قازاقستان پرەزيدەنتى.

ونىڭ ايتۋىنشا، ءقازىر دە اۋەلگى كەزدەگىدەي قارقىندى بولماسا دا جىل سايىنعى كوش توقتاعان جوق.

- كوشتى توقتاتپايمىز. كەلەم دەگەندەرگە ەسىك اشىق. جاستارى وقۋعا كەلىپ قالىپ جاتىر. ارتىنان ۇلكەندەرى كەلىپ جاتىر. ونى قاراپ وتىرمىز، سونىڭ ءبارىن قۋانىشپەن قابىلدايمىز. ءالى دە ءتورت ميلليوننان اسا قانداسىمىز بار. ولارعا كەلسەڭ دە كەل، كەلمەسەڭ دە كەل دەپ ايتا المايمىز. كەيبىرەۋلەرىنىڭ جاعداي وندا جاقسى بولسا، قيىنشىلىق كورمەسە تۇرا بەرسىن، - دەگەن پرەزيدەنت نازاربايەۆ جەرگىلىكتى بىرنەشە باق-قا بەرگەن سۇحباتىندا.

استانادان بيىل دۇنيەجۇزى ءقازاقتارىنىڭ بەسىنشى قۇرىلتايى ۇيىمداستىرىلىپ، دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارلىعى تالعات ماماشيەۆتەن زاۋىتبەك تۇرىسبەكوۆكە وتكەن. سول جيىندا سويلەگەن سوزىندە قازاقستان پرەزيدەنتى "وتانداستار" قورى قۇرىلاتىنىن جانە شەتەلدەگى قازاق بالالارىنىڭ قازاقستاندا ءبىلىم الۋىنا بولىنەتىن گرانت ەكى ەسەگە وسەتىندىگىن ايتقان. قۇرىلتايدا گەرمانيادان كەلگەن دەلەگات ءومىرحان التىن جۇڭگو قازاقتارىنا قاتىستى قىسىمنىڭ كۇشەيىپ بارا جاتقانىن ەسكە سالعان بولاتىن.

قازاقستان پرەزيدەنتى نۇرسۇلتان نازاربايەۆ 22 جەلتوقسان كۇنى استانادا ەلدەگى ءبىرقاتار بۇقارالىق اقپارات قۇرالدارى وكىلدەرىمەن كەزدەسىپ، جىل قورىتىندىسى بويىنشا جۋرناليستەر سۇراقتارىنا جاۋاپ بەرگەن. نازاربايەۆتىڭ ب ا ق وكىلدەرىنە سۇحباتى جەلتوقساننىڭ 25ء-ى كۇنى رەسپۋبليكالىق تەلەارنالاردان كورسەتىلەدى دەپ حابارلاندى. الايدا سۇحبات كورستەتىلگەنگە دەيىن ونىڭ ۇزىندىلەرى رەسمي ارنالاردان بەرىلىپ جاتىر.