قازاقستان پرەزيدەنتى نۇرسۇلتان نازاربايەۆ رەسەي پرەزيدەنتى ۆلاديمير پۋتين 2018 جىلى ناۋرىزدا وتەتىن پرەزيدەنت سايلاۋىندا باستى كانديدات بولادى دەگەن پىكىر ءبىلدىردى. نازاربايەۆ بۇل جايىندا قازاقستاندىق ب ا ق وكىلدەرىمەن وتكەن جابىق كەزدەسۋىندە ايتتى دەپ حابارلايدى Qamshy.kz اقپارات اگەنتتىگى ازاتتىققا سىلتەمە جاساي وتىرىپ.
- ۆلاديمير پۋتين پرەزيدەنتتىككە ۇسىنىلدى، وعان ءارقاشان ساتتىلىك تىلەيمىن. مەنىڭشە، ول - وسى سايلاۋداعى فاۆوريت. رەسەي ەۋروپا ەلدەرى مەن اقش-تىڭ قىسىمىنا ۇشىراعان مۇنداي قيىن كەزەڭدە پۋتين مەملەكەت قايراتكەرى رەتىندە بۇعان توزەدى جانە حالىقتى العا باستاي الادى، - دەدى نازاربايەۆ.
قازاقسان پرەزيدەنتى سونىمەن قاتار قازاقستان مەن رەسەي اراسىنداعى "قازىرگىدەي قارىم-قاتىناستى ساقتاۋ كەرەگىن" ايتتى.
ۆلاديمير پۋتين رەسەي پرەزيدەنتى سايلاۋىنا ءتورتىنشى مارتە تۇسەيىن دەپ وتىر. 2008-2012 جىلدارى پرەمەر-مينيستر بولعان كەزىن قوسا ەسەپتەگەندە، ءپۋتيننىڭ بيلىكتە وتىرعانىنا 18 جىل تولدى. نۇرسۇلتان نازاربايەۆتىڭ قازاقستاندى باسقارىپ كەلە جاتقانىنا 28 جىل بولدى.
پىكىر قالدىرۋ