وبلىس اكىمى دانيال احمەتوۆ ەتنومادەني ۇيىمدارىنىڭ وكىلدەرىن جاڭا قونىستارىمەن قۇتتىقتادى. دوستىق ءۇيىنىڭ جاڭا عيماراتى – مەتاللۋرگتەر مادەنيەت ۇيىنە ارنايى بارعان ايماق باسشىسى ارالاپ كورىپ، جينالعاندارمەن جۇمىس جوسپارىن تالقىلادى. سونداي-اق، بىرلەستىكتەردىڭ قىزمەتىن جەتىلدىرۋ بويىنشا ءبىرقاتار ۇسىنىستارىن جەتكىزدى.

شقو اكىمى كابينەتتەردى ارالاپ، ماتەريالدىق-تەحنيكالىق جابدىقپەن تانىستى. كەزدەسۋگە قاتىسۋشىلاردىڭ پىكىرلەرى مەن ۇسىنىستارىن تىڭداعان دانيال احمەتوۆ ايماقتى ودان ءارى دامىتۋ، ەڭ ءبىرىنشى، بۇقارانىڭ كۇش-جىگەرىن بىرىكتىرۋ ارقىلى عانا جۇزەگە اساتىنىن ەرەكشە اتاپ ءوتتى. 

- سىزدەردى جاڭا قونىستارىڭىزبەن قۇتتىقتايمىن! جاڭا جەردە جاقسى جايعاسىپسىزدار. مەتاللۋرگتەر مادەنيەت سارايى - ۇلكەن عيمارات، 6800 شارشى مەتر. ۇرپاقتاردىڭ ساباقتاستىعىن قامتاماسىز ەتەيىك، وسىندا بالالارىڭىزدى، نەمەرەلەرىڭىزدى شاقىرىڭىزدار، - دەدى دانيال احمەتوۆ. - سونداي-اق، ءداستۇرلى تۇردە دوستىق ءۇيىنىڭ باستاماسى بويىنشا جىل سايىنعى ەسەپ بەرۋ فەستيۆالدەرىن، كونسەرتتەرىن وتكىزەيىك. حالىق سىزدەردىڭ جۇمىستارىڭىز تۋرالى كورىپ، بىلەتىن بولسىن.

ايتا كەتۋ كەرەك، مەتاللۋرگتەر مادەنيەت سارايىنىڭ عيماراتى ەتنومادەني بىرلەستىكتەردىڭ وكىلدەرىنە قازاقستانداعى العاشقى دوستىق ءۇيىنىڭ 25 جىلدىعىندا سىيعا تارتىلدى. شيرەك عاسىر ىشىندە ول وبلىستىڭ عانا ەمەس، بۇكىل رەسپۋبليكاداعى ۇلتتىق مادەنيەتتى دامىتىپ، داستۇرلەردى دارىپتەۋگە ۇلكەن ۇلەس قوستى.

شقو اكىمىنىڭ باسپا ءسوز قىزمەتى