بۇگىن تۇنگى 2-لەر شاماسىندا قاراعاندى وبلىسىندا  بوراندا اداسىپ كەتكەن 11 ادامنان تۇراتىن وتباسى   قۇتقارىلدى. ولاردىڭ ىشىندە 4 بالا، 3 ايلىق ءسابي بولعان. بۇل تۋرالى Qamshy.kz اقپارات اگەنتتىگى قازاقپارات-قا سىلتەمە بەرىپ حابارلايدى.

اۋىل اكىمى مەن پوليسەيلەر، قۇتقارۋشىلار وتباسىنى 25 جەلتوقسان تاڭعى ساعات 7-دەن باستاپ ىزدەگەن.

«11 ادامنان تۇراتىن وتباسى ەكى كولىككە ءمىنىپ بالقاش قالاسىنا قاراي اقتوعاي اۋدانىنداعى  اباي اۋىلىنان شىققان. قاتتى تۇماننىڭ كەىسىرىنەن جولدا اداسىپ كەتكەن ولاردىڭ جانارمايلارى دا تاۋسىلىپ قالعان. كولىكتەردىڭ بىرىندە 4-5 جاستاعى بالالارمەن قوسا، 3 ايلىق ءسابي دە بولعان»-،دەيدى تج دەپارتامەنتىنىڭ رەسمي وكىلى جاننا داۋرەنبەكوۆا.

جاقىن جەردەگى تومپەشىككە شىعىپ تۋىستارىنا قوڭىراۋ شالعان وتباسى مۇشەلەرى قۇتقارۋشىلار  مەن پوليسيانىڭ كومەگى ارقىسىندا قۇتقارىلعان.

تەك بۇگىن 26 جەلتوقساندا عانا اداسىپ كەتكەن وتباسى قاراسۋ اۋىلىنان 90 شاقىرىم جەردەن تابىلعان. ابدەن توڭىپ قالعان ولاردى قۇتقارۋشىلار بالقاش قالاسىنا جەتكىزگەن.