تۇرعىندار سۇرانىسىنىڭ ارتۋىنا بايلانىستى «جولاۋشى تاسىمالى» اق جاڭا جىل قارساڭىندا قوسىمشا پويىزداردى شىعاردى، دەپ حابارلايدى Qamshy.kz اقپارات اگەنتتىگى حاا كومپانيانىڭ باسپا ءسوز قىزمەتىنە سىلتەمە جاساپ.

قوسىمشا پويىزدار تومەندەگى باعدارلار بويىنشا قاتىنايدى: «استانا نۇرلى جول-پاۆلودار» باعىتىندا №174/173 پويىز 1 رەيس جۇرەدى. پويىز استانادان 30 جەلتوقسان  23 ساعات 50 مينۋتتا جولعا شىعىپ، پاۆلودارعا 31 جەلتوقسان  05 ساعات 46 مينۋتتا جەتەدى. كەرى باعىتتا پاۆلوداردان 31 جەلتوقسان  09:15-تە ءجۇرىپ، استاناعا 31 جەلتوقساندا 15:15-تە جەتەدى.

پويىزدىڭ 22 «تۇلپار-تالگو» جولاۋشى ۆاگونى بار، سونىڭ ەكەۋى «بيزنەس»، بىرەۋى «گراند»، تاعى بىرەۋى «گراند PMR» كلاسىنىڭ ۆاگوندارى بولسا، قالعان 18ء-ى «تۋريست» كلاسىنىڭ ۆاگوندارى. ورىندار سانى - 346.

«استانا نۇرلى جول-شىمكەنت» باعىتىندا №178/177 پويىز 2 رەيس جاسايدى. پويىز استانادان 27 جانە 29 جەلتوقسان 22:30-دا جولعا شىعىپ، شىمكەنتكە 28 جانە 30 جەلتوقسان 17:05-تە جەتەدى. كەرى باعىتتاعى پويىز شىمكەنتتەن 28 جانە 30 جەلتوقسان  18:05-تە جولعا شىعىپ، استاناعا 29 جانە 31 جەلتوقساندا 12:54-تە جەتەدى.

پويىزدىڭ 24 «تۇلپار-تالگو» جولاۋشى ۆاگونى بار، سونىڭ ەكەۋى «بيزنەس»، بىرەۋى «گراند PMR» كلاسىنىڭ ۆاگوندارى بولسا، قالعان 21ء-ى «تۋريست» كلاسىنىڭ ۆاگوندارى. ورىندار سانى - 425. ەسكە سالا كەتسەك، بۇرىن مەرەكە كۇندەرى سۇرانىسى جوعارى باعىتتار بويىنشا قوسىمشا تاعى 15 پويىز شىعارىلعان بولاتىن.