26 جەلتوقساندا بايقوڭىردان ۇشىرىلعان انگولانىڭ «انگوسات» سپۋتنيگىمەن بايلانىس ازىرگە جولعا قويىلماي جاتىر دەپ حابارلايدى Qamshy.kz اقپارات اگەنتتىگى inform.kz-كە سىلتەمە جاساپ.
«انگوسات» سپۋتنيگىمەن ازىرگە بايلانىس ورناعان جوق، جاعدايدىڭ سەبەپتەرىن انىقتاپ جاتىرمىز»،-دەدى اگەنتتىككە سۇحبات بەرگەن ادام.
تاسس تاراتقان اقپارات ءالى رەسمي ناقتىلانعان جوق، سەبەبى سۇحبات بەرگەن مامان جاعدايدىڭ تولىعىمەن ءتۇسىندىرىپ بەرمەگەن.
ەستەرىڭىزگە سالا كەتەيىك، 26 جەلتوقساندا ساعات 22:00-دە «بايقوڭىر» عارىش ايلاعىنان «زەنيت-S2ب» زىمىران تاسىعىشپەن «انگوسات» عارىشتىق اپپاراتى شتاتتىق رەجىمدە ۇشىرىلدى. 27 جەلتوقسان كۇنى 06:54-تە اپپارات جەدەلدەتۋ بلوگىنان اجىرادى.
