اقتوبەدە پروكۋروردى جەكپە-جەككە شاقىرعان دەپۋتات 3 جارىم جىل شارتتى تۇردە جازاسىن وتەيتىن بولادى، دەپ جازادى Qamshy.kz اقپارات اگەنتتىگى.
كتك جاڭاالىقتارىنىڭ مالىمەتىنشە، اقتوبەدە وبلىستىق ءماسليحات دەپۋتاتىنا قاتىستى ۇكىم شىقتى. باقىتجان ەرجانوۆ ەندى ءىرى كولەمدە الاياقتىق جاساپ، پروكۋروردى قورقىتقانى ءۇشىن 3 جارىم جىل شارتتى تۇردە جازاسىن وتەيتىن بولدى.
ايماققا تانىمال كاسىپكەر تەرگەۋ كەزىندە بىردەن كىناسىن مويىنداپ، ءوزى كەلتىرگەن 1 ميلليارد تەڭگەدەن استام شىعىننىڭ ورنىن تولتىرۋعا كەلىسكەن. بەلگىلى بولعانىنداي، اسىل تۇقىمدى مال ساتىپ الۋعا تولتىرعان قۇجاتى جالعان ەكەن. ويتكەنى ايەلىنىڭ اتىنداعى قوجالىقتان جەتكىزىلدى دەگەن مال جوق بولىپ شىعادى. مۇنىمەن قويماي، پروكۋروردى جەكپە-جەككە شاقىرىپ، سەس كورسەتكەن. بۇل قىلىعى ءۇشىن جازالانعانىمەن، ەندى دەپۋتاتتىق مانداتىنا قاتىستى ماسەلە ءماسليحات وتىرىسىندا قارالادى.
