بۇگىن اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ باسىم بولىگىندە قار جاۋادى. تەك ەلدىڭ وڭتۇستىگى مەن وڭتۇستىك باتىسىندا قار جاۋمايدى، دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساپ.

رەسپۋبليكانىڭ باسىم بولىگىندە بوران، كوكتايعاق بولىپ، تۇمان ءتۇسىپ، جەل ەكپىنى كۇشەيەدى دەپ بولجانادى.

شىعىس قازاقستان وبلىسىنىڭ كەي جەرلەرىندە بوران سوعاپ، كوكتايعاق بولىپ، جەلدىڭ جىلدامدىعى سەكۋندىنا 15-25 مەترگە جەتەدى.

جامبىل وبلىسىنىڭ ءبىرقاتار ايماقتارىندا تۇمان ءتۇسىپ، كوكتايعاق بولىپ، جەل سەكۋندىنا 15-20 مەترگە دەيىن كۇشەيەدى. تۇندە جەلدىڭ ەكپىنى 23 م/س-كە دەيىن جەتەدى.

قوستاناي، سولتۇستىك قازاقستان، اقمولا وبلىستارىندا تۇمان ءتۇسىپ، بوران سوعادى، كوكتايعاق بولىپ، جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.

پاۆلودار، قاراعاندى وبلىستارىنىڭ كەي جەرلەرىندە تۇمان ءتۇسىپ، بوران سوعىپ، جەلدىڭ جىلدامدىعى 15-20 م/س بولادى.

الماتى، قىزىلوردا، اتىراۋ، باتىس قازاقستان، اقتوبە وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.

وڭتۇستىك قازاقستان وبلىسىنىڭ ءبىرقاتار ايماقتارىندا تۇمان تۇسەدى.

ماڭعىستاۋ وبلىسىندا جەلدىڭ جىلدامدىعى سەكۋندىنا 15-20 مەتر بولادى دەپ كۇتىلۋدە.