ىشكى ساياسي قاقتىعىستار

2018 جىلى ەليتانىڭ ءار ءتۇرلى توپتارى اراسىندا قاقتىعىستار ورنايدى. بۇل تۋرالى 365.kz تىلشىسىنە ساياساتتانۋشى دوسىم ساتپايەۆ مالىمدەدى، دەپ جازادى Qamshy.kz اقپارات اگەنتتىگى. ال ول قاقتىعىستار 2018 جىلدىڭ قاڭتارىنان-اق باستالىپ كەتەدى.

ساياساتتانۋشىنىڭ ايتۋىنشا، ىشكى ەليتالىق ۇرىس سوڭعى جىلدارى بەلگىلى سەبەپتەرگە بايلانىستى ايتارلىقتاي ۇدەگەن. ولاردىڭ قاتارىندا «قارجىلىق دەرەكتەردىڭ قىسقارۋىنا بايلانىستى ءجۇرىپ جاتقان سوعىس» بار. ال بۇدان كەيىنگى كۇرەس تىپتەن كۇشەيەتىن بولادى.

«بۇل پروسەسس جەمقورلىققا قارسى ءىستىڭ مەيلىنشە كوبەيۋىنە اكەلىپ سوعادى. دەگەنمەن، ءىرى لاۋازىمدى ازاماتقا قاتىستى جەمقورلىققا قارسى ءىستىڭ ءجۇرۋى قوعام نازارىن وزىنە بىردەن اۋداراتىنى بەلگىلى»، - دەدى ساتپايەۆ.

وسى تۇستا ساراپشى «جەمقورلىققا قارسى كۇرەس كۇشەيەتىن بولادى» دەگەن ەلباسىنىڭ ءسوزىن ەسكە الدى.

سونداي-اق ساتپايەۆ كادرلىق اۋىس-تۇيىستەر ءالى دە جالعاسادى دەپ وتىر. ەلدىڭ ورتالىعىندا عانا ەمەس، اۋداندىق بيلىك ورگاندارى دا نازاردان تىس قالمايدى. الايدا ساياساتتانۋشى بۇل وزگەرىستەردىڭ وڭ ناتيجە كورسەتەتىنىنە كۇمانمەن قارايدى.

«كادرلاردىڭ اۋىسۋىنان بيۋروكراتيالىق اپپارات جۇمىسىنىڭ تيىمدىلىگىنىڭ ارتپايتىنى تاجىريبەدەن بەلگىلى. ءتىپتى جاڭا بۋىننىڭ وكىلى كەلگەنىمەن، كوبىنە وعان ارتىلعان ءۇمىت اقتالمايدى»، - دەدى ول.

سىرتقى ساياسات

ال سىرتىق ساياساتقا كەلەتىن بولساق، ساتپايەۆ ەڭ ماڭىزدى وقيعا رەتىندە 2018 جىلدىڭ قاڭتارىنا جوسپارلانعان نازاربايەۆتىڭ اقش-قا ساپارىن اتادى.

«بۇل ەلباسىنىڭ امەريكاعا العاشقى رەسمي ساپارى بولماق. ونىڭ ۇستىنە كەزدەسۋ اقش تاراپىنان بولعان»، - دەپ مالىمدەدى ساتپايەۆ.

ساتپايەۆ بۇل كەزدەسۋدە قانداي ماسەلەنىڭ تالقىلانۋى مۇمكىن ەكەنىن دە بولجادى.

«قازىرگى تاڭدا جاھاندىق پروبلەماعا اينالعان يەرۋساليمنىڭ مارتەبەسى ءسوز بولۋى ىقتيمال. قازاقستان ءيزرايلدىڭ استاناسىنا قاتىستى ترامپتىڭ باستاماسىنا قارسى شىققان مەملەكەتتەردىڭ قاتارىندا. قازاقستان قۇرامىنا مۇسىلمان مەملەكەتتەرى كىرەتىن يسلام سەرىكتەستىك ۇيىمىنىڭ جەتەكشىسى بولعان»، - دەدى.

ساياساتتانۋشى تاعى ءبىر ماڭىزدى تاقىرىپتى اتادى. ەكى پرەزيدەنتتىڭ اراسىنداعى كەلىسسوزدەر قاتارىندا ەكونوميكالىق ءوزارا ارەكەتتەسۋ، ينۆەستيسيا جانە مۇناي-گاز سەكتورى كىرەدى.

بۇل كومپانيالاردىڭ كەيبىرى نۇرسۇلتان نازاربايەۆپەن جەكە كەزدەسۋ ۇيىمداستىرۋى مۇمكىن ەكەنىن ايتتى ساتپايەۆ.

قارجى ماسەلەسى

2018 جىلدىڭ تاڭى ءبىر ماڭىزدى وقيعاسى رەتىندە ساتپايەۆ «استانا» حالىقارالىق قارجى ورتالىعىنىڭ جۇمىسىن اتادى. ورتالىق 1 قاڭتاردان باستاپ جۇمىس ىستەيدى دەپ جوسپارلانعان.

«بۇل يدەيا تۇرعىسىندا ءالى كۇنگە دەيىن تالاس ءجۇرىپ جاتىر. اركىم ءار ءتۇرلى پىكىر ءبىلدىردى. ۋاقىت جاقىنداعان سايىن كومپانيالار مەن وليگارحتارعا «مەملەكەتكە قارجىنى قايتارسىن» ۇندەۋلەر شىعا باستادى. ۇندەۋ قازاقستان باسشىلىعى تاراپىنان ايتىلدى»، - دەدى ساراپشى.

ساتپايەۆتىڭ ويىنشا، ەگەر كاپيتالدىڭ جارتى بولىگى قازاقستانعا قايتسا، بىردەن «استانا» حالىقارالىق قارجى ورتالىعىنا جونەلتىلەدى.