ادىلەت مينيسترلىگىنىڭ مەملەكەتتىك باقىلاۋ قىزمەتى قارجى مينيسترلىگىنە وتەدى. بۇل جايىندا بۇگىن ق ر پارلامەنتى سەناتىنىڭ جالپى وتىرىسىندا ادىلەت ءمينيسترى مارات بەكەتايەۆ ايتتى، دەپ حابارلايدى Qamshy.kz اقپارات اگەنتتىگى قازاقپارات مالىمەتىنە سۇيەنىپ.

ايتا كەتەرلىگى، ول سەناتورلاردىڭ نازارىنا «قازاقستان رەسپۋبليكاسىنىڭ باعالاۋ قىزمەتى تۋرالى» ق ر زاڭىنىڭ جوباسىن تانىستىرعان بولاتىن. «اتالعان زاڭ جوباسى قازاقستان رەسپۋبليكاسىندا باعالاۋ قىزمەتىن ودان ءارى جەتىلدىرۋگە باعىتتالعان. زاڭ جوباسىندا مينيسترلىكتىڭ باعالاۋ قىزمەتى سالالارىنداعى فۋنكسيالارىن ءوزىن-وزى رەتتەۋ سالاسىنا بەرۋ ۇسىنىلادى. سونىمەن بىرگە مەملەكەتتىك باقىلاۋ قارجى مينيسترلىگىنىڭ قىزمەتىنە وتەدى.

رەتتەۋشىلىك اسەردىڭ تالداۋ قورىتىندىسى بويىنشا نەعۇرلىم ءتيىمدى شەشىم رەتىندە مىندەتتى مولشەرلىك نەگىزىندەگى ءوزىن-وزى رەتتەۋ قۇرالى انىقتالدى. بۇل رەتتە نەگىزگى زاڭ جوباسىندا  ءوزىن-وزى رەتتەۋ ۇيىمى مۇشەلەرىنىڭ سانىن 300 باعالاۋشى جەكە تۇلعا دەڭگەيىندە بەكىتۋ ۇسىنىلىپ وتىر»، - دەدى مينيستر.

ونىڭ ايتۋنىشا، ءوزىن-وزى رەتتەۋدىڭ سۋبەكتىلەرى بولىپ، جەكە تۇلعالار تانىلادى. باعالاۋ قىزمەتى ءوزىنىڭ كاسىپكەرلىك سيپاتىنا بايلانىستى ءوزىن-وزىن رەتتەۋ مودەلىنە نەعۇرلىم قولايلى. اتالعان مودەل اقش-تا، رەسەيدە، كانادادا، ۇلىبريتانيادا، فينليانديادا جانە يتاليادا بار. بۇل ەكونوميكالىق ىنتىماقتاستىق جانە دامۋ ۇيىمىنىڭ قاعيداتتارىنا سايكەس كەلەدى. جەكە تۇلعالاردى ليسەنزيالاۋدىڭ ورنىنا باعالاۋشىلاردى سەرتيفيكاتتاۋدى ەنگىزۋ ۇسىنىلادى. سەرتيفيكاتتاۋ جۇرگىزۋ تاجىريبەسى قازاقستاندا اۋديتورلىق قىزمەت سالاسىندا جانە شەتەلدەردىڭ باعالاۋ قىزمەتى سالاسىندا بار ەكەنىن اتاپ وتكەن ءجون.

اتالعان ەرەجەنى قازاقستان زاڭىنا سايكەستەندىرۋ ءۇشىن ىلەسپە زاڭ جوباسىندا، ازاماتتىق كودەكسكە، «رۇقساتتار مەن حابارلامالار تۋرالى» زاڭعا وزگەرىستەر ەنگىزۋ كوزدەلگەن»،- دەدى سۇلتانوۆ.

ونىڭ ايتۋىنشا، باعالاۋشىلار پالاتاسى جۇمىسىنا ءوزىن-وزى رەتتەۋدىڭ ەكى تەتىگىن ەنگىزەدى. ءبىرىنشىسى - باعالاۋ ساپاسىن ىشكى جانە سىرتقى باقىلاۋ. ەكىنشىسى  - باعالاۋشىلار پالاتالارىنىڭ باعالاۋشىلاردىڭ ەسەپتەرىنە ساراپتاما جۇرگىزۋدىڭ ءراسىمى.