سۋ باسۋ ءقاۋىپىنىڭ الدىن الۋ ماقساتىندا پمك-29 اۋماعىن بەكىتۋ جۇمىستارى جۇرگىزىلۋدە
2017 جىلعى 28 جەلتوقساندا وزەن ارناسىنداعى مۇز كەپتەلىستەرى سالدارىنان سۋ دەڭگەيى كوتەرىلىپ، سىرداريا وزەنىنىڭ ەسكى ارناسى تولىسىپ، پمك-29 ساياجايىنىڭ ىشكى كانالىنا كوپ مولشەردەگى سۋدىڭ تۇسۋىنەن تۇرعىن جايدىڭ اۋلاسىنا سۋ جايىلعان دەپ حابارلايدى Qamshy.kz اقپارات اگەنتتىگى قىزىلوردا وبلىسى اكىمدىگىنىڭ ءباپاسوز قىزمەتىنە سىلتەمە جاساپ.
جالپى پمك-29 ساياجايى وزەن ارناسىنداعى سۋ دەڭگەيى جوعارىلاۋ كەزەڭدەرىندە سۋ جايىلاتىن ايماق بولعاندىقتان تۇرعىندارعا الدىن- الا ەسكەرتپە حاتتار تاراتىلعان.
ساياجايدا بارلىعى 36 تۇراقجاي بار. ونىڭ ىشىندە ادامداردىڭ قىسى-جازى تۇراقتى تۇرىپ جاتقانى - 2 وتباسى.
"وسىعان بايلانىستى، بەكىتىلگەن جاۋاپتى مەكەمەلەردىڭ ارنايى تەحنيكالارىن (6 جۇك كولىگى، 1 تراكتور، 1 ەكسكاۆاتور) جۇمىلدىرا وتىرىپ، سۋ جايىلۋدىڭ الدىن-الۋ ماقساتىندا توپىراقپەن بەكىتۋ جۇمىستارى جۇرگىزىلۋدە. ساياجايدى سۋ باسۋ ءقاۋىپى تۋىنداعان جاعدايدا الدىن الۋعا جۇمىلدىرىلاتىن بارلىق كۇشتەر مەن قۇرالدار دايىن"، - دەدى وبلىستىق جۇمىلدىرۋ دايىندىعى باسقارماسىنىڭ باسشىسى سەرىك سەرماعامبەتوۆ.
