مەديسينالىق بەت پەردە كيگەن ەكى ۇرى استاناداعى ميكروكرەديت كومپانياسىنا شابۋىلدادى دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە جاساپ. 

«29-شى جەلتوقساندا ساعات 19.00-دە بوگەنباي باتىر كوشەسىندە ورنالاسقان كومپانياعا قولىنا پىشاق جانە قارۋعا ۇقساس زات ۇستاعان ەكى ادام كاسسادان 500 مىڭ تەڭگە كولەمىندە قارجىنى ۇرلاپ اكەتكەن» دەپ حابارلادى ءىىد وكىلى.

اتالمىش وقيعا ق ر قىلمىستىق كودەكسىنە سايكەس، سوتقا دەيىن تەرگەۋدىڭ ءبىرىڭعاي رەەستىرىندە 192ء-شى باپ بويىنشا تىركەلدى.

«بەينە باقىلاۋ كامەرالارى ارقىلى جەرگىلىكتى پوليسيا 23 جانە 25 جاستاعى تۇرعىندى ۇستادى. ولاردا قارۋ جانە 428 500 تەڭگە كولەمىندە اقشا بولعان» دەپ حابارلادى ءىىد وكىلى.

كۇدىكتىلەر وقيعا ورنىندا اقشانىڭ ءبىر بولىگىن قۇلاتىپ العان. ونى جاياۋ جۇرگىنشىلەر كەڭسەگە الىپ كەلگەن. ۇستالعان ەكى ادام ءوز كىناسىن مويىندادى. ءقازىر تەكسەرۋ جۇمىستارى جۇرگىزىلىپ جاتىر.