2018 جىلى قانداي سالالارعا ينۆەستيسيا سالۋعا بولادى؟ تاۋەكەل ەتۋ تەتىكتەرى قانداي بولماق؟ بيتكوين مەن كريپتوۆاليۋتا توڭىرەگىندەگى سۇرانىس 2017 جىلدىڭ باستى جاڭالىعى بولعانى ءسوزسىز. بيتكوينداردىڭ قۇنى 2018 جىلى قانشا بولماق دەگەن ساۋال اركىمنىڭ كوكەيىندە جۇرگەنى انىق. ەندەشە بيتكويندارعا قارجى قۇيۋ قانشالىقتى ءقاۋىپسىز؟.. بۇل تۋرالى Qamshy.kz اقپارات اگەنتتىگى قازاقپاراتقا سىلتەپ جازادى.
كريپتوۆاليۋتا
«bitcoinforecast» سايتى 2018 جىلدىڭ ءساۋىر ايىندا ولاردىڭ قۇنى 33 275 دوللارعا جەتەتىنىن جازادى. قازىرگى ۋاقىتتا ونىڭ ەسەپتىك قۇنى - 11 880 دوللار. «ەگەر ءبىز كورسەتكىشتەردى وسىلاي جالعاستىرا بەرەتىن بولساق، 2018 جىلدىڭ سوڭىندا جانە 2019، 2020 جىلدارى ونىڭ قۇنى $70 000، $270 000 جانە $800 000 دوللارعا جەتەتىنىن كورەمىز. بۇل - ادام نانعىسىز شارىقتاعان باعالار. بۇدان قارجى اكتيۆىن ەمەس، شار ۇرلەگەندەي جەلدى كورەمىز. ارينە، باعالار بيتكوينداردىڭ تارالۋىنان ءوسىپ وتىر، الايدا مەن بيتكوين كۋرستارىنىڭ شارىقتاي بەرەرىنە سەنىمدى ەمەسپىن. بۇل جەردە پسيحولوگيالىق فاكتوردىڭ ءرولىن جوققا شىعارۋعا بولمايدى. ماسەلەن، cointelegraph سايتىنىڭ ساۋالناماسىنا سۇيەنسەك، حودلەرلەر بيتكويننىڭ باعامى 196 000 دوللارعا جەتكەندە ساتۋدى جوسپارلاعاندارىن ايتقان»، - دەپ ەسكەرتەدى رەسەي مەن تمد ەلدەرى ءۇشىن «eToro» ينۆەستورلار الەۋمەتتىك جەلىسىنىڭ ساراپشىسى ميحايل ماششەنكو.
التىن
قازاقستانداعى التىننىڭ بارلىق قورى قازىرگى ۋاقىتتا 7 643 ترلن دوللارعا باعالانىپ وتىر (التىننىڭ ۇشتىك ۋنسياسىن 1 256 دوللار باعامى بويىنشا ەسەپتەگەندە). ايتا كەتەيىك، الەمدەگى التىن قورىنىڭ 35 پايىزى (2، 600 ترلن دوللار) قازىرگى ۋاقىتتا نارىقتا ساتىلۋدا.
تەڭگەدەگى دەپوزيتتەر
كريپتوۆاليۋتا توڭىرەگىندەگى بولجامدار كۇدىك ۇيالاتىپ، ءقاۋىپ تۋدىرسا، ۇلتتىق ۆاليۋتامىزدىڭ جاعدايى الدەقايدا سەنىمدىرەك. قازاقستان قارجىگەرلەر قاۋىمداستىعى قارجى نارىعىنىڭ كاسىبي قاتىسۋشىلارى اراسىندا ساۋالناما جۇرگىزگەن بولاتىن. جەلتوقسان ايىنداعى ساۋالناماعا 14 ساراپشى قاتىستى. ولاردىڭ پىكىرىنشە، 2018 جىلى مۇنايدىڭ ورتاشا باعاسى باررەلىنە 65،1 دوللار بولادى دەپ كۇتىلۋدە. ساراپشىلار قوعامداستىعىنىڭ باعالاۋىنشا، 2018 جىلدىڭ سوڭىنا قاراي رەسەي ءرۋبلى دوللارعا شاققاندا 59،1 رۋبل دەڭگەيىن ەڭسەرمەك. 2017 جىلدىڭ قورىتىندىسىنا سايكەس، ءرۋبلدىڭ تەڭگەگە شاققانداعى باعاسى رۋبلىنە 5،7 تەڭگە دەڭگەيىندە ورىن الاتىن سەكىلدى. ال 2018 جىلدىڭ سوڭىنا قاراي قازاقستان قور بيرجاسىنداعى (KASE) رۋبل باعاسى تاعى دا 10 تيىنعا قىمباتتاپ، 5،8 تەڭگەگە جەتۋى مۇمكىن. 2018 جىلدىڭ سوڭىنا قاراي باعا 1 اقش دوللارىنا 339،9 تەڭگە دەڭگەيىن قۇراۋى مۇمكىن. كەلەر جىلى ق ر ۇلتتىق بانكى ينفلياسيانى 5-7% دەڭگەيىندە شەكتەمەك. بۇل رەتتە، ساراپشىلار 2018 جىلدىڭ قورىتىندىسىندا ينفلياسيا دەڭگەيى 6،2%-دى قۇراۋى مۇمكىن دەگەن بولجامدى العا تارتۋدا. بازالىق مولشەرلەمەگە كەلگەندە ساراپشىلاردىڭ بولجامى قاق جارىلدى. ولاردىڭ پىكىرىنشە، بازالىق مولشەرلەمە 10% نەمەسە 10،25% ارالىعىندا بولماق. كەلەر جىلعا ارنالعان بازالىق مولشەرلەمە بويىنشا ناقتى شەشىم 2018 جىلدىڭ 15 قاڭتارىندا جاريالانادى. 2018 جىلدىڭ سوڭىنا قاراي بازالىق مولشەرلەمە 9%-عا جاقىندايدى.
بيرجا
جاڭا جىلدان باستاپ، بيرجادا دەلدالدار ۆاليۋتا ساتا الادى. سونىمەن قاتار، KASE قور بيرجاسى بيرجاعا ويىنشىلاردى كوبىرەك تارتۋدى جوسپارلاپ وتىر. ايتا كەتەرلىگى، 2017 جىلدىڭ 1 ماۋسىمىنان باستاپ، KASE جاڭا ەرەجە ەنگىزگەن بولاتىن. ەرەجە كاپيتالى قوماقتى ەمەس كومپانيالاردىڭ دا بيرجا قورىنا قاتىسۋىنا مۇمكىندىك بەرمەك. «قازىرگى ۋاقىتتا ءبىز قارجى نارىعىنداعى قاتىسۋشىلاردىڭ سانىن ارتتىرۋ بويىنشا جۇمىستار جۇرگىزىپ جاتىرمىز. ءقازىر بيرجاعا ايىرباس وپەراسيالارىنا ليسەنزياسى بار ەكىنشى دەڭگەيلى بانكتەر عانا كىرە الادى. ۇلتتىق باكنپەن بىرلەسە وتىرىپ، قاتىسۋشىلار سانىن ارتتىرۋدى سونىڭ ىشىندە، كاسىبي دەلدالداردى تارتۋ ماسەلەسىن قاراستىرىپ وتىرمىز. دەلدالدار كليەنتتەرىنىڭ سۇرانىسىن وتەۋ ءۇشىن ۆاليۋتالاردى ساتا الادى. بىزدىڭشە، بۇل توپقا جەكە تۇلعالار، جەكە كاسىپكەرلەر دە كىرە الادى»،- دەدى KASEء-نىڭ باسقارما ءتوراعاسى الينا الدابەرگەن.
ستارتاپتار
ءوز كاسىبىڭدى باستاۋ نەمەسە وزگەنىڭ ستارتاپ جوباسىنا قارجى قۇيۋ ارينە، ايتارلىقتاي تاۋەكەلگە بارۋدى تالاپ ەتەدى. الايدا، كەيبىر ستارتاپ جوبالار ناتيجەلى بولىپ، كەيىن ءىرى كومپانيالارعا ساتىلىپ جاتادى. «ينۆەستيسيانىڭ ءرولى زور، دەگەنمەن ءبىر ءىستى باستاۋعا ايتارلىقتاي ءىرى سومانىڭ دا قاجەتى جوق. كەيدە 25 مىڭنان 100 مىڭ دوللارعا دەيىنگى ينۆەستيسيا دا جەتكىلىكتى بولادى. البەتتە، كەز كەلگەن باستامادا ەرەكشە ينفراقۇرىلىم تابىلا بەرمەيدى، ەڭ ماڭىزدىسى - جوبانىڭ جۇزەگە اساتىنىنا سەنىم كەرەك»، - دەيدى سالا ساراپشىلارى.
