ق ر ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتىنىڭ ديرەكتورى بولىپ ورالوۆ اسحات رازدىق ۇلى  تاعايىندالدى. بۇگىن جاڭا باسشى مينيسترلىك ۇجىمىنا تانىستىرىلدى دەپ حابارلايدى Qamshy.kz اقپارات اگەنتتىگى. 

اسحات ورالوۆ 1990 جىلدىڭ 10 اقپانىندا پاۆلودار وبلىسىنىڭ اقسۋ قالاسىندا دۇنيەگە كەلگەن. 

«اۋدارما ءىسى»  ماماندىعى بويىنشا جوعارى ءبىلىمى بار جانە «حالىقارالىق قاتىناستار» ماماندىعى بويىنشا ماگيسترلىك جانە PhD دوكتورلىق  دارەجەسىنە يە.

2010 جىلدىڭ اقپان ايىنان باستاپ  2014 جىلدىڭ ساۋىرىنە دەيىن – استانا قالالىق «نۇر وتان» پارتياسىنىڭ «جاس وتان» جاستار قاناتىنىڭ حاتشىلىعىندا باسشىلىق لاۋازىمداردى اتقارعان.

         2011 جىلدىڭ جەلتوقسانى مەن 2012 جىلدىڭ قىركۇيەگى ارالىعىندا ل.ن.گۋميليەۆ اتىنداعى ەۇۋ-نىڭ الەۋمەتتىك-تاربيە جونىندەگى دەپارتامەنتىندە باس مامان، 2013 جىلدىڭ ماۋسىمى جانە      2014 جىلدىڭ ءساۋىر ايى ارالىعىندا  ل.ن.گۋميليەۆ اتىنداعى ەۇۋ-نىڭ ۇيىمداستىرۋشىلىق جۇمىس جونىندەگى بولىمىندە باس مامان بولىپ قىزمەت اتقارعان.

         ال، 2014 جىلدىڭ مامىر ايىنان 2016 جىلدىڭ جەلتوقسانىنا دەيىن استانا قالالىق  «نۇر وتان» پارتياسىنىڭ «نۇر» فيليالى ءتوراعاسىنىڭ ءبىرىنشى ورىنباسارى بولعان.

         2016 جىلدىڭ ناۋرىز ايىندا استانا قالالىق ءماسليحاتىنىڭ VI شاقىرىلىم دەپۋتاتى بولىپ سايلانادى.

اسحات رازدىق ۇلى ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتى ديرەكتورى لاۋازىمىنا  تاعايىندالعانعا دەيىن استانا قالاسى اكىمدىگىنىڭ جاستار ساياساتى ماسەلەلەرى جونىندەگى باسقارماسىنىڭ باسشىسى بولىپ قىزمەت ەتتى.