Forbes Kazakhstan جۋرنالى قازاقستان پرەزيدەنتى نۇرسۇلتان نازاربايەۆتىڭ كۇيەۋ بالاسى، «اتامەكەن» ۇلتتىق كاسىپكەرلەر پالاتاسىنىڭ ءتوراعاسى تيمۋر قۇلىبايەۆتى «جىل كاسىپكەرى» رەتىندە تانىدى، دەپ حابارلايدى Baq.kz.

«المەكس» جانە «كيپروس» كومپانيالارى يەلەرىنىڭ ءبىرى تيمۋر قۇلىبايەۆ 2017 جىلى قازاقستانداعى «ەڭ ىقپالدى» 50 كاسىپكەردىڭ كوشىن باستاپ تۇر. قۇلىبايەۆ سوڭعى رەت بۇدان بەس جىل بۇرىن قازاقستانداعى «ەڭ ىقپالدى» كاسىپكەر اتانعان.

باسىلىم قۇلىبايەۆتىڭ ىقپالىنىڭ ارتۋىنا كازكوممەرسبانك پەن «حالىق بانكتىڭ» بىرىگۋى، «ساقتاندىرۋ نارىعىنداعى پوزيسياسىنىڭ كۇشەيۋى، اۆياسيا سالاسى مەن مەديسينا بيزنەسىندە تابىسقا جەتۋىنە» ۇلەس قوسقانىن ايتادى. قۇلىبايەۆ ماجوريتارلىق اكسيونەر سانالاتىن Gemini Mining B.V. كومپانياسى 2016 جىلدىڭ سوڭىندا ءىرى تەمىر كەن ورنىن يگەرەتىن «اقتوبە تەمىر BC ەنشىلەس كاسىپورنى» كومپانياسىنداعى 50 پايىز ۇلەسىن Qazaq Mining Llp كومپانياسىنا ونداعان ميلليون دوللارعا ساتقان.

بۇعان قوسا، قۇلىبايەۆتىڭ «المەكس پليۋس» كومپانياسى 49 پايىز اكسياسىنا يە «Kazakhstan Petrochemical Industries Inc.» (KPI) كومپانياسى 2016 جىلى قىركۇيەكتە شانحايدا قىتايدىڭ مەملەكەتتىك دامۋ بانكىمەن اتىراۋ وبلىسىندا العاشقى بىرىككەن گاز حيمياسى زاۋىتىن سالۋ جوباسى بويىنشا نەسيە كەلىسىمىن جاساسقان.

Forbes Kazakhstan قازاقستان پرەزيدەنتى نۇرسۇلتان نازاربايەۆتىڭ قىزى مەن كۇيەۋ بالاسى ەرلى-زايىپتى دينارا جانە تيمۋر قۇلىبايەۆتاردىڭ ءاربىرىنىڭ داۋلەتىن 2،1 ميلليارد دوللارعا باعالايدى.