الەۋمەتتىك جەلىدە جۇلدىزعا اينالعان ايجان بايزاقوۆا ءوزىن زورلاپ، سوققىعا جىقتى دەگەن سوزدەردى جوققا شىعاردى، دەپ حابارلايدى Qamshy.kz اقپارات اگەنتتىگى.
ايجان بايزاقوۆا بۇل جايىندا ءوزىنىڭ Telegram-كانالىندا مالىمدەدى.
«كوپ ادام ماعان جۇدەپ كەتىپسىڭ دەپ جاتىر. مەن سوڭعى كەزدەرى كوپ ويلانعاندىقتان ءبىرشاما جۇدەپ قالدىم. الايدا، مەن قايتادان سالماق جيناپ، وز-وزىمە كەلەمىن. ماعان ەشكىم دە تيىسكەن جوق»، - دەيدى ول.
ايجان بايزاقوۆانىڭ ايتۋىنشا، ونىڭ الەۋمەتتىك جەلىدەگى پاراقشالارىن بۇعاتتاپ تاستاپ كۇرەسۋدىڭ قاجەتى جوق. «ەڭ دۇرىسى، مەنى قازاق جىگىتكە تۇرمىسقا بەرىڭدەر. ءبىر جىلدان كەيىن بارلىق باسى بوس جانە باقىتتى ايەلدەردى جەك كورىپ كەتەمىن. سوندىقتان ماعان كۇيەۋ ىزدەڭدەر»، - دەپ جازادى ول.
سونىمەن قاتار، ول وزگە ادامدار ونى قالاي قورقىتىپ، قانداي سوزدەر ايتقاندىعىن اتاپ ءوتتى. «مەنى ورتەپ جىبەرەمىن دەگەندەر بولدى جانە دە ءولتىرىپ، باۋىزداپ تاستاعىسى كەلەتىندەر دە كوبەيدى. مەنىمەن عانا قويماي، تۋىستارىمدى دا جازالايمىز دەپ جازدى. شەشىنىپ، جامان سوزدەر ايتۋ – جامان قىلىق تا، ال ادام ءولتىرۋ جاقسى بولعانى ما، سوندا؟»، - دەيدى بايزاقوۆا.
پىكىر قالدىرۋ