ق ر ازاماتتىق قوعام جانە ءدىن ىستەرى جونىندەگى مينيسترلىكتىڭ فەيسبۋكتەگى پاراقشاسى زاڭدى نەكەنىڭ ماڭىزى تۋراسىندا الەۋمەتتىك روليك جاريالادى، دەپ حابارلايدى Qamshy.kz اقپارات اگەنتتىگى.

وندا شاريعات شارتى بويىنشا نەكە قيعان ەرلى-زايىپتىلاردىڭ ءومىرى، ءدىني اعىمدارعا كىرىپ، ءتۇبى اداسقان وتاعاسىنىڭ ارەكەتى كورسەتىلگەن.

قازاقستاندىق جاستار اراسىندا شاريعات ءداستۇرى بويىنشا قيىلعان نەكەلەر سانى كوبەيىپ كەلەدى. شاريعاتتىڭ كەيبىر ەرەجەلەرىنىڭ زايىرلى عۇرىپتاردان تۇبەگەيلى ايىرماشىلىعى بار. مىسالى، تويعا دەيىن كەزدەسۋگە بولمايدى، ال ۇيلەنۋگە تەك اتا-انالاردىڭ نەمەسە قامقورشىلاردىڭ كەلىسىمىمەن عانا بولادى. ءدىني ساۋاتسىزدىق پەن مورالدىق-ادامگەرشىلىك قاعيدالاردىڭ السىزدىگى سالدارىنان كەيبىر مۇسىلماندار شاريعاتتى ءوزىنىڭ پايداسىنا قاراي قولدانا باستايدى. وسىلايشا زاڭمەن قورعالماعان وسى سىندى نەكەلەردە ايەلدەر وزدەرىنىڭ كونستيتۋسيالىق قۇقىقتارىن قورعاي الماي جاتادى.

«قازىرگى ۋاقىتتا قوعامدا شاريعاتتىڭ شارتتارىن ويىنشىق قىلىپ، جاس قىزداردى الداپ، ءوز ءناپسىسىنىڭ قالاۋىن ورىنداۋ ءۇشىن بىلگەنىن ىستەپ جۇرگەن دەسترۋكتيۆتىك ءدىني اعىمدارعا ەرگەن ازاماتتار بار ەكەنى راس. ونى كۇندەلىكتى وقىپ، ەستىپ ءجۇرمىز. جاس قىزدارىمىزدىڭ وسىنداي جىگىتتەردىڭ ايتقانىنا ءجۇرىپ، ايداعانىنا كونىپ، اقىرى ەشكىمگە كەرەك بولماي دالادا قالۋى ويلانارلىق جايت»، - دەلىنگەن ۆيدەوروليكتىڭ حابارلاماسىندا.