ق ر سالىق كودەكسىنە قىزمەتىن توقتاتقان ۇەۇ-دى جويۋ ۇدەرىسىن جەڭىلدەتۋگە باعىتتالعان تۇزەتۋلەر ەنگىزىلدى دەپ حابارلايدى Qamshy.kz اقپارات اگەنتتىگى.
قازاقستان رەسپۋبليكاسىنىڭ جاڭا سالىق كودەكسىنە سايكەس (2017 جىلعى 25 جەلتوقسانىنداعى № 120-VI قرز) مەملەكەتتىك كىرىستەر ورگاندارى تاراپىنان سوتتىڭ شەشىمى بويىنشا زاڭدى تۇلعالاردى جويۋ ءۇشىن قابىلداناتىن شارالار تىزبەسى كەڭەيتىلگەن. وسىلايشا، مەملەكەتتىك كىرىس ورگاندارى قازاقستان رەسپۋبليكاسىنىڭ ازاماتتىق كودەكسىمەن رەتتەلەتىن ءتورت نەگىز بويىنشا زاڭدى تۇلعالاردىڭ قىزمەتىن توقتاتۋ تۋرالى سوتقا شاعىم بەرە الادى، اتاپ ايتقاندا ولار: بانكروتتىق، زاڭدى تۇلعانىڭ تىركەلۋىنىڭ جارامسىز دەپ تانىلۋى، ورنالاسقان جەرى نەمەسە ناقتى مەكەن-جايى بويىنشا زاڭدى تۇلعانىڭ بولماۋى، زاڭدى ورەسكەل بۇزۋ ارقىلى قىزمەتىن جۇزەگە اسىرۋى.
قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ مالىمەتىنە سايكەس، بۇرىنعى سالىق كودەكسى شەڭبەرىندە زاڭدى تۇلعانىڭ، سونداي-اق، ورنالاسقان جەردەگى نەمەسە ناقتى مەكەن-جايداعى قۇرىلتايشىلاردىڭ بولماۋى ۇەۇ-دى جويۋعا كەدەرگى بولاتىن سەبەپتەردىڭ ءبىرى بولاتىن. قۇرىلتايشىلار ءوز ۇيىمدارىنىڭ قىزمەتىن ەرىكتى تۇردە توقتاتپاي، باسقا ەلگە قونىس اۋدارىپ كەتكەن جاعدايلار ورىن العان. اتالعان تۇزەتۋ مەملەكەتتىك كىرىس ورگاندارىنىڭ ورنالاسقان جەرىنەن تىس زاڭدى تۇلعالاردى جويۋ جونىندەگى شارالاردى قابىلداۋعا مۇمكىندىك بەرەدى.
سونداي-اق، جاڭا سالىق كودەكسىنىڭ 93ء-شى بابىنا سايكەس سالىق تولەۋشىلەردىڭ قىزمەتىن ءماجبۇرلى تۇردە توقتاتۋ ءتارتىبى كوزدەلگەن. ءماجبۇرلى تۇردە توقتاتۋعا بەلگىلى ءبىر تالاپتار جۇكتەلگەن جۇمىسىن توقتاتقان زاڭدى تۇلعالار جاتادى. مىسالى، سالىق كودەكسىمەن بەلگىلەنگەن شەكتەۋلى كەزەڭنەن كەم ەمەس (5 جىل) زاڭدى تۇلعالار سالىق ەسەپتەمەسىن ۇسىنباعان، قارجى مامىلەلەرىن جاساماعان، ققس تولەۋشى رەتىندە تىركەلمەگەن، الەۋمەتتىك تولەمدەر بويىنشا قارىزدارى جوق جانە ت.ب زاڭدى تۇلعالار كىرەدى. سالىق ورگانى 93-باپتىڭ تالاپتارىنا سايكەس كەلەتىن سۋبەكتىلەرگە تۇراقتى تۇردە مونيتورينگ جۇرگىزىپ وتىرادى جانە ءتيىستى شارالاردى قابىلدايدى.
قازىرگى ۋاقىتتا قازاقستاندا تىركەۋگە قاتىستى ماسەلە تۋدىراتىن كوپتەگەن قىزمەتىن توقتاتقان ۇەۇ بار، اتالعان ۇيىمدار ءوز كەزەگىندە ازاماتتىق سەكتوردى دامىتۋعا قاتىستى ستاتيستيكالىق جانە باسقا دا كورسەتكىشتەردى بۇرمالاۋعا اكەلەدى. مەملەكەتتىك كىرىس كوميتەتىنىڭ مالىمەتىنە سايكەس، 2 919 ۇكىمەتتىك ەمەس ۇيىم رەسمي ەمەس دەپ تانىلدى، ال تىركەلگەن ۇەۇ-دىڭ جالپى سانى - 19860.
تۇتاستاي العاندا، قابىلدانعان نورمالار جۇمىسىن توقتاتقان زاڭدى تۇلعالاردى، سونىڭ ىشىندە ۇەۇ-دى جويۋ ۇدەرىستەرىن ايتارلىقتاي جەڭىلدەتەدى، سونداي-اق ولاردىڭ ستاتيستيكاسىنىڭ قالىپتاسۋىنا وڭ اسەرىن تيگىزەدى- دەپ حابارلادى ق ر ءدىن ىستەرى جانە ازاماتتىق قوعام مينيسترلىگى.
