الماتى قالاسىندا اۋەزوۆ تەاترىنىڭ ديرەكتورى ەرلان ءبىلالدىڭ ىسىنە قاتىستى باسپا ءسوز كونفەرەنسياسى ءوتتى، دەپ حابارلايدى Qamshy.kz اقپارات اگەنتتىگى.
اتالمىش باسپا ءسوز كونفەرەنسياسىندا ەلىمىزگە بەلگىلى اكتەر ءاسانالى ءاشىموۆ ءوز پىكىرىن ءبىلدىردى.
«قىمباتتى ارىپتەستەر. بۇل تەاتردىڭ تاريحىنا توقتالىپ وتىرۋدىڭ قاجەتى جوق. سەبەبى، بۇل تەاتردىڭ ىستەپ جۇرگەن جۇمىستارى قاشان دا ەل الدىندا كورىنىپ تۇرادى. اسىرەسە، سوڭعى ەكى جىلدا بىرنەشە ەلدەرگە گاسترولدىك ساپارلارمەن شىعىپ، ۇلكەن مەملەكەتتەرگە بارىپ ەلىمىزدى تانىتىپ ءجۇر. مۇنىڭ بارلىعى، ارينە، تەاتردىڭ ديرەكتورىنا بايلانىستى، باسشىلىققا بايلانىستى.
بىرەنەشە جەرلەردە سۇحبات بەرگەنىمدە، وسى تەاتردىڭ قازىرگى تاڭدا جاقسى دارەجەدە، باسشىلىعىنىڭ ارقاسىندا بەدەلى جاقسى ەكەندىگىن ماقتانىشپەن ايتىپ جۇرەمىن. ەرلاننىڭ ادال، ارى تازا ازامات ەكەندىگىن، سەگىز قىرلى، ءبىر سىرلى ەكەندىگىن حالىق بىلەدى. وسى ءبىزدىڭ كوللەكتيۆتى تۇرعىزىپ قويىپ داۋىسقا سالساڭ، 99 پايىزى بۇل ءسوزىمنىڭ دۇرىستىعىنا قوسىلار ەدى. اراسىنان ونى قارالايتىن بىرەڭ-ساراڭ عانا ادام تابىلۋى مۇمكىن، كوللەكتيۆ بولعاننان سوڭ ونداي مىندەتتى تۇردە بولادى. كەز كەلگەن ادام ءجۇز پايىز ەلدىڭ بارىنە جاقسى كورىنە بەرمەيدى.
مەن ايتار ەدىم، شەتەلدەردە، كوپتەگەن وركەنيەتتى ەلدەردە پارا بەرىپ، ۇستاپ بەرگەن ادامدى سوتتايدى. ول ادامدى ساتقىن دەيدى. سوندىقتان، مەن بۇل ءىستى ۇيىمداستىرعان ادامدى سوتقا شاقىرامىن»، - دەيدى ءاسانالى ءاشىموۆ.
قازاقستان تەاتر قاۋىمداستىعىنىڭ پرەزيدەنتى، حالىق ءارتىسى ءاسانالى ءاشىموۆ ەرلانعا پارا بەرگەن ازاماتتاردى دا جازاعا تارتۋدى سۇرادى.
ايتا كەتەر بولساق، م.اۋەزوۆ اتىنداعى اكادەميالىق قازاق دراما تەاترىنىڭ ديرەكتورى ەرلان ءبىلال 1،5 ملن تەڭگە پارا پارا العانى ءۇشىن ۇستالعان بولاتىن.
م.اۋەزوۆ اتىنداعى اكادەميالىق قازاق دراما تەاترىنىڭ ديرەكتورى ەرلان ءبىلال ءوزىنىڭ كىناسىن تولىقتاي مويىنداعاندىقتان قاماۋعا الىنعان جوق. قازىرگى ۋاقىتتا سوتقا دەيىنگى تەرگەۋ جۇمىستارى جۇرگىزىلىپ جاتىر.
